ជាការពិតណាស់ បើទោះជាពេលវេលារំលងផុតទៅជាច្រើនខែហើយក្តី ប៉ុន្តែក្តីស្រឡាញ់ ការចងចាំ និង ភាពអាឡោះអាល័យរបស់ក្រុមគ្រួសារ មិត្តភក្តិ និង អ្នកគាំទ្រតារាចម្រៀងរ៉េប RuthKo នៅតែដក់ជាប់ក្នុងចិត្ត និង នៅតែមិនទាន់អាចបំភ្លេចបាននៅការបាត់បង់រូបលោកគ្មានថ្ងៃត្រឡប់នៅឡើយ។
ក្នុងនោះដែរ បើនិយាយពីតារាចម្រៀងរ៉េប OG Golden ដែលជាកូនសិស្សរបស់លោក RuthKo ឯណោះវិញក៏ដូចគ្នា តាំងពី Coach បានចាកចេញទៅមិនបានលាសូម្បីតែមួយម៉ាត់តាំងពីមុនការលើកពាន Rapper Fighter នោះ គឺលោកនៅតែបង្ហាញក្តីនឹករឭកដល់លោក RuthKo ជានិច្ច។ ជាក់ស្តែង បទចម្រៀងរបស់ OG Golden ភាគច្រើន គឺបានរំឭកឈ្មោះលោក RuthKo ជានិច្ចដែរ។
យ៉ាងណាមិញ ថ្មីៗនេះ OG Golden បានធ្វើឱ្យអ្នកគាំទ្រលោកអួលដើមក ខណៈលោក បានបង្កើតរូបភាព AI ដោយថតជាមួយនឹងលោក RuthKo ព្រមទាំងអមនូវសារមួយឃ្លាថា៖ «ពីរនាក់គ្រូមួយមើល»៕
