កាលពីថ្ងៃទី ២២ ខែសីហា ឆ្នាំ ២០២៥ កន្លងទៅនេះ តារាចម្រៀង មាស សុខសោភា បានបង្ហោះវីដេអូប្រមាណជាង ៩ នាទី ឆ្លើយតបទៅកាន់មហាជនដែលតែងចូលមកបញ្ចេញមតិវែកញែក ប្រើពាក្យមិនសមរម្យ និង ប្រមាថដល់អ្នកនាងពាក់ព័ន្ធនឹងទំនាក់ទំនងរវាង តាសក់សភ្នំត្បែង។
ក្នុងវីដេអូនោះដែរ អ្នកនាង មាស សុខសោភា បានឱ្យដឹងថា មានអ្នកចូលមកបញ្ចេញមតិ ថាអ្នកនាងយកប្តីគេ លោកតាសក់ស យកប្រពន្ធគេ, ថាឱ្យអ្នកនាង មិនជួយសង្គម នៅសមាធិងប់ងល់។-ល-។ លើសពីនោះ អ្នកនាង មាស សុខសោភា ក៏បានលើកឡើងទៀតថា មានអ្នកថាឱ្យអ្នកនាងយកអ្នកបួសថែមទៀតផង។
អ្នកនាង មាស សុខសោភា បានឆ្លើយតបថា អ្នកនាង មិនចង់ឆ្លើយតបវិញនោះឡើយ ប៉ុន្តែគឺនៅតែបន្តមានអ្នកជេរប្រមាថដល់អ្នកនាង ហើយបើទោះជាអ្នកនាងជាអ្នកបួសក៏ដោយ ក៏អ្នកនាងជាមនុស្សជាតិ ជាបុគ្គលមានតម្លៃដែរ ត្រូវតែចេញមកឆ្លើយតបវិញ កុំឱ្យមានអ្នកលាបពណ៌អ្នកនាងទៀត។ មិនត្រឹមតែប៉ុណ្ណោះ អ្នកនាង មាស សុខសោភា បានបញ្ជាក់ច្បាស់ៗថា អ្នកនាង មិនបានយកប្តីគេ ហើយលោតាសក់ស ក៏មិនបានយកប្រពន្ធគេនោះដែរ៕
សួមចុចទីនេះ ដើម្បីទស្សនាវីដេអូ៖
