រំជួលចិត្ត! ឆ្មាកម្សត់វង្វេងព្រាត់ម្ចាស់ជិត ១៥ ឆ្នាំ ទីបំផុតបានជួបគ្នាវិញ តែជួបបានបន្តិចឆ្មាកម្សត់ក៏ផុតចោលម្ចាស់គួរឱ្យអាណិត

មានករណីដ៏គួរឱ្យរំជួលចិត្តមួយនៅឯប្រទេសបារាំង ដោយមានឆ្មាមួយក្បាលព្រាត់វង្វេងម្ចាស់អស់ ១៥ ឆ្នាំ សំណាងបានមកជួបគ្នាវិញ តែមិនបានប៉ុន្មានក៏ងាប់ចោលម្ចាស់បាត់គួរឱ្យអាណិត។

តាមព័ត៌មានបានឱ្យដឹងថា ខាងសមាគមសង្គ្រោះសត្វឆ្មានៅ Pertuis ប្រទេសបារាំង ត្រូវបានគេទាក់ទងឱ្យជួយឆ្មាមួយក្បាល ដែលស្ថិតក្នុងសភាពទន់ខ្សោយ ព្រោះតែបានរស់នៅតែលតោលតាមផ្លូវអស់រយៈពេលជាយូរ។ ខាងអ្នកសង្គ្រោះបានត្រួតពិនិត្យលើ microchip របស់សត្វឆ្មាមួយក្បាលនេះ ក៏ដឹងវាមានឈ្មោះ Noel អាយុ ២០ ឆ្នាំ មកពីកោះ French Polynesia។ ខាងអ្នកសង្គ្រោះបានសន្និដ្ឋានថា ម្ចាស់របស់ Noel អាចនឹងផ្លាស់ប្តូរទីលំនៅ ហើយភ្លេចបន្ថែមព័ត៌មានទៅក្នុង microchip ទើបធ្វើឱ្យវង្វេងគ្នា។

យ៉ាងណាមិញ ក្រោយពីមានការប្រកាសនៅតាមបណ្តាញសង្គម Noel ក៏បានជួបគ្នាជាមួយម្ចាស់វិញ ដែលម្ចាស់បាន​ឱ្យដឹងថា ខ្លួនពិតជាបានផ្លាស់ទីលំនៅពិតមែន គឺនៅក្នុងឆ្នាំ ២០១០ ហើយពេលនោះ Noel ក៏បានបាត់ទៅដូចគ្នា។ ដោយឡែក អ្វីដែលគួរឱ្យសោកស្តាយនោះ គឺ Noel បានស្ថិតក្នុងរង្វង់ដៃម្ចាស់បានត្រឹមតែប៉ុន្មានម៉ោងប៉ុណ្ណោះ ហើយវាក៏វាបានងាប់បាត់ទៅ ដោយសារតែសុខភាពទន់ខ្សោយ ដែលពិតជារឿងគួរឱ្យរំជួលចិត្តអាណិតខ្លាំងណាស់៕

ប្រភព៖ Khaosod