រៀបការប៉ះប្ដីវក់នឹងហ្គេម មួយថ្ងៃៗគិតតែយកលុយទៅលេងហ្គេម ដល់លេងចាញ់មកធ្វើបា./បប្រពន្ធរហូតពិការភ្នែក

សារព័ត៌មានក្នុងប្រទេសចិន បានរាយការណ៍ពីករណីដ៏គួរឱ្យអាណិតរបស់នារីម្នាក់ ដែលទើបតែរៀបការបាន ២ ខែ តែត្រូវប្តីធ្វើបាបរហូតទាល់តែពិការភ្នែក ព្រោះតែរឿងមិនឱ្យលុយគេទៅបុកហ្គេមទូរស័ព្ទ។

តាមព័ត៌មានបានឱ្យដឹង នារីរូបនេះមានវ័យ ២៩ ឆ្នាំ បានស្គាល់គ្នាជាមួយបុរសជាប្តីកាលពីខែសីហា ឆ្នាំ ២០២២ កន្លងទៅ តាមរយៈការណែនាំរបស់ញាតិមិត្ត ហើយក្រោយពីទាក់ទងគ្នាបាន ៥ ខែ អ្នកទាំងពីរក៏សម្រេចចិត្តចូលរោងការ ព្រោះតែឃើញខាងប្រុសជាមនុស្សល្អ និង មានទំនួលខុសត្រូវ។

យ៉ាងណាមិញ អ្វីៗផ្ទុយស្រឡះក្រោយពីរៀបការហើយ បុរសជាប្តីបានឈប់ធ្វើការ ហើយយកលុយដែលគ្រួសារខាងស្រីឱ្យមកជួសជុលផ្ទះទៅចាយអស់។ លើសពីនេះទៀត មួយថ្ងៃៗក៏វក់តែលេងហ្គេមតាមអនឡាញ ហើយក៏ចាប់ផ្តើមសុំលុយស្រ្តីជាប្រពន្ធរឿយៗ ដើម្បីទៅបុកហ្គេមទាំងនោះ។

លុះមកដល់ខែមករា ឆ្នាំ ២០២៣ នៅពេលប្រពន្ធមិនឱ្យលុយ បុរសជាប្តីក៏មួម៉ៅ និងបានប្រើអំពើហិង្សាទៅលើប្រពន្ធ រួចយកខោទៅចងរឹតកនាងស្ទើតែដាច់ដង្ហើម ដែលចុងក្រោយក៏បង្កឱ្យប៉ះពាល់ដល់ភ្នែករបស់នាងទៅជាពិការមើលលែងឃើញជារៀងរហូត។ ដោយឡែក ចុងបញ្ចប់បុរសជាប្តីត្រូវបានប៉ូលិសចាប់ខ្លួន ហើយក្នុងឆ្នាំ ២០២៤​ តុលាការបានកាត់ទោសឱ្យបុរសរូបនេះជាប់គុក ១១ ឆ្នាំ និង ពិន័យជាប្រាក់ជាង ៦ សែនយ័ន ដែលស្មើជាង ៩ ម៉ឺនដុល្លារ៕

ប្រភព៖ Sanook