សារព័ត៌មាន Daily Mail បានរាយការណ៍ពីករណីក្បត់ចិត្តមួយនៅប្រទេសអង់គ្លេស ដោយប្រពន្ធចាប់បានថាប្តីកំពុងលួចមានអីៗជាមួយសហាយនៅក្នុងឡាន នាងក៏ថតវីដេអូយកទៅផុសឱ្យប្តីខ្មាសគេពេញបណ្តាញសង្គម។
តាមព័ត៌មានបានឱ្យដឹងថា នាង និង ប្តីបានរៀបការជាមួយគ្នាមក ១៧ ឆ្នាំហើយ ហើយមួយឆ្នាំចុងក្រោយនេះ ប្តីនាងក៏ចាប់ផ្តើមមានស្រីក្បត់ចិត្តនាងលែងគិតពីអ្វី។ នៅថ្ងៃកើតហេតុ ក្រុមគ្រួសាររបស់នាងបានរៀបចំខ្លួនចេញទៅខាងក្រៅ ដោយកូនៗបានចូលទៅក្នុងឡានចាំអស់ហើយ តែនាងបែរជាឃើញប្តីរបស់នាងកំពុងតែលួចមានអីៗជាមួយស្រីសហាយនៅក្នុងឡានរបស់ឪពុកក្មេករបស់នាង។
យ៉ាងណាមិញ ដោយការហួសចិត្តខ្លាំងពេក នាងក៏លួចថតវីដេអូមួយសន្ទុះសិន ហើយក៏បានស្រែកឡូឡាជេរស្តីប្តី រហូតប្តីសំពះសុំឱ្យនាងឈប់ថត។ ដោយឡែក ក្រោយមកនាងក៏យកវីដេអូមួយនេះទៅផុសនៅគ្រប់បណ្តាញសង្គម ដោយមិនបានបិទបាំងមុខប្តី ឬ បរិវេណមួយកំណាត់ក្រោមរបស់គេឡើយ ដែលនេះដូចជាការដាក់ទោសដល់ប្តី ដែលក្បត់ចិត្តនាងដោយមិនគិតអ្វីសោះ៕
ប្រភព៖ Sanook
