បើគិតចាប់តាំងពីថ្ងៃទី ៤ ខែវិច្ឆិកា ឆ្នាំ ២០២៤ មកដល់ពេលនេះ រយៈពេលប្រមាណជាង ៨ ខែមកហើយ ដែលអ្នកនាង សុភ័ក្ត្រ កុសុម៉ា និង ស្វាមី បានរៀបការសាងគ្រួសារយ៉ាងមានសុភមង្គល។
ក្រោយរៀបការហើយនោះ គេបានឃើញគូស្វាមីភរិយា អ្នកនាង សុភ័ក្រ្ត កុសុម៉ា និង ស្វាមី កាន់តែមមាញឹក ចាប់ដៃគ្នារកស៊ីកាន់តែជោគជ័យ ដូចពាក្យចាស់ពោលថា «សំណាបយោងដី ស្រីយោងប្រុស»។
ងាកមកកាន់រឿងកូនចៅឯណោះវិញ គេចាំបានថា អ្នកនាង សុភ័ក្រ្ត កុសុម៉ា ធ្លាប់បង្ហើបនៅលើឆាកកាត់នំអំឡុងពេលរៀបការថា នាងមានគម្រោងយកកូននៅឆ្នាំ ២០២៥ នេះ។
យ៉ាងណាមិញ ស្រាប់តែថ្មីៗនេះ លោក ផល្លា ស្វាមីតារាស្រីខាងលើបានបង្ហោះរូបភាពលើកភរិយាព និង ពោលពាក្យធ្វើឱ្យអ្នកគាំទ្រយល់ថា អ្នកទាំង ២ កំពុងមានដំណឹងល្អ។ លោក ផល្លា បានសរសេរសារថា៖ «ម៉ែមីអូន ដូចធ្ងន់ជាងមុនម៉េចទេ!»៕
