កាលពីថ្មីៗកន្លងទៅនេះ អគ្គនាយកដ្ឋានអត្តសញ្ញាណកម្ម បានចែករំលែកចំណេះដឹង អំពីឯកសារភ្ជាប់ សម្រាប់ការសុំផ្តល់សៀវភៅគ្រួសារ ដោយការធ្វើសៀវភៅគ្រួសារនេះ មិនអស់ប្រាក់នោះទេ។
ក្នុងនោះ អគ្គនាយកដ្ឋានអត្តសញ្ញាណកម្ម បានបញ្ជាក់ថា សម្រាប់ការស្នើសុំផ្តល់សៀវភៅគ្រួសារ គឺត្រូវភ្ជាប់ឯកសារមួយចំនួន ដែលមានដូចជា ៖
– ពលរដ្ឋត្រូវមានសញ្ជាតិខ្មែរ
– រូបថតមេគ្រួសារ ៤x៦ ចំនួន ៤ សន្លឹក
– សៀវភៅស្នាក់នៅ
– សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត
– សេចក្តីចម្លងសំបុត្រអាពាហ៍ពិពាហ៍ (ប្តីប្រពន្ធ)
– កូនស្មុំ ត្រូវមានសាលក្រមតុលាការ
– ករណីជនបរទេសចូលសញ្ជាតិខ្មែរ ត្រូវមានច្បាប់ ចម្លងព្រះរាជក្រឹត្យចូលសញ្ជាតិខ្មែរ៕
