បើគិតមដល់ពេលនេះ រយៈពេលប្រមាណជិត ៨ ខែ មកហើយ ដែលតារាចម្រៀងប្រុស គូម៉ា និង តារាសម្តែងស្រី ម៉ៅ គឹមធីតា បានចាប់ដៃគ្នារៀបការកាលពីថ្ងៃទី ០៣ ខែឧសភា ឆ្នាំ ២០២៤ កន្លងទៅ ក្រោយទាក់ទងគ្នាក្នុងនាមជាសង្សាររយៈពេល ៧ ឆ្នាំ។
ក្នុងនោះ ក្រោយចាប់ដៃគ្នាសាងគ្រួសារយ៉ាងមានសុភមង្គល លោក គូម៉ា និង ភរិយា បានសម្រុកបន្ថែមមុខជំនួញជាបន្តបន្ទាប់ ដោយមានទាំងហាងលក់គ្រឿងសមុទ្រ និង តារាបាល់ទាល់ថែមទៀតផង។
យ៉ាងណាមិញ កាលពីអំឡុងខែតុលា ឆ្នាំ ២០២៤ កន្លងទៅ ក្រោយរៀបការរួចលោក គូម៉ា និង ភរិយា ក៏បានបង្កើតចំណងដៃអាពាហ៍ពិពាហ៍ ប្រកាសកំពុងពពោះកូនដំបូង ដោយក្នុងផ្ទៃរបស់អ្នកនាង ម៉ៅ គឹមធីតា គឺជាកូនប្រុសនឹងត្រៀមសម្រាលនៅអំឡុងខែកុម្ភៈ ឆ្នាំ ២០២៤ ខាងមុខនេះហើយ។
ដោយឡែកនៅថ្ងៃទី ១៦ ខែមករា ឆ្នាំ ២០២៤ លោក គូម៉ា បានបង្ហោះសារយ៉ាងមានអត្ថន័យនៅក្នុងថ្ងៃកំណើតរបស់ភរិយា គឺអ្នកនាង ម៉ៅ គឹមធីតា ក្នុងដំណើរនៃការចាប់ដៃគ្នាតាំងពីក្នុងនាមជាសង្សារ រហូតក្លាយជាស្វាមីភរិយាប្រមាណ ៨ ឆ្នាំ មកនេះ។
ក្នុងនោះ លោក គូម៉ា រៀបរាប់ថ៖ «១៦.០១.២០១៧ ដល់ ១៦.០១.២០២៥ គឺ ៨ ឆ្នាំហើយ! រីករាយថ្ងៃកំណើតប្រពន្ធសម្លាញ់ បងសូមជូនពរអូន និង កូនក្នុងផ្ទៃមានសុខភាពល្អ មានសម្រស់កាន់តែស្រស់ស្អាត ជួបតែសេចក្ដីសុខ ប្រាថ្នាអ្វីបានសម្រេចដូចបំណង។ អរគុណប្រពន្ធសម្លាញ់ ដែលចូលរួមដំណើរក្នុងជីវិតជាមួយបងតាំងពីដំបូងរហូតមកដល់ពេលនេះ ហើយយើងនឹងបន្តដើរទៅមុខជាមួយគ្នាបន្តទៀត។ កាដូដ៏ធំបំផុតសម្រាប់ពួកយើងពេលនេះ គឺកូនប្រុសយើង បាហ៊ូ ដែលត្រៀមនឹងសម្រាលក្នុងពេលឆាប់ៗខាងមុខនេះ។ ប្ដីអរគុណប្រពន្ធគ្រប់យ៉ាង បងស្រលាញ់អូនប្រពន្ធសម្លាញ់»៕
