រាត្រីផ្ទេរមកុដ តែ Nean Nean ត្រូវបានកម្មវិធីប្រកាសរក្សាតំណែងដដែល ដើម្បីត្រៀមទៅប្រកួតម្ដងទៀតនៅអ៊ីតាលី

និយាយពីបវរកញ្ញាភេទទី ៣ កញ្ញា Nean Nean ជាម្ចាស់ជ័យលាភីមួយក្នុងការប្រកួតកម្មវិធី Miss Queen Cambodia 2024 កន្លងទៅ ដែលបានឈ្នះ Grand Winner Miss Queen Cambodia 2024 និង មានតំណែងជា Miss Star Cambodia 2024។

ចំពោះតំណែងជា Miss Star Cambodia 2024 នេះ កញ្ញា Nean Nean បានតំណាងឱ្យកម្ពុជាទៅចូលរួមប្រកួតកម្មវិធីអន្តរជាតិ Miss Star International 2024 នៅឯប្រទេសប្រេស៊ីល ដែលពេលនោះកញ្ញាទទួលបានលទ្ធផលដ៏ល្អ អាចឈានចូល Top 16 និង ទទួលបានពានរង្វាន់ Miss Congeniality ទៀតផង។

ដោយឡែក ក្រោយពីបំពេញបេសសកម្មតំណាងប្រទេសជាច្រើនខែកន្លងទៅ មកដល់រាត្រីថ្ងៃទី ២២ ខែឧសភា ឆ្នាំ ២០២៥ នេះ ជារាត្រីដែលបវរកញ្ញា Nean Nean Miss Star Cambodia 2024 ផ្ទេរតំណែងរបស់នាង ស្របពេលកម្មវិធី Miss Queen Cambodia 2025 បានធ្វើការប្រកួតវគ្គផ្ដាច់ព្រ័ត្រ និង រកឃើញនូវម្ចាស់តំណែង MQC 2025 ថ្មីផងដែរ។

ក្នុងរាត្រីផ្ទេរមកុដនេះដែរ អ្វីដែលធ្វើឱ្យមហាជនអ្នកគាំទ្រ ជាពិសេសបវរកញ្ញា Nean Nean ផ្ទាល់ មានការភ្ញាក់ផ្អើលខ្លាំង ក្រោយពីកម្មវិធី Miss Queen Cambodia 2025 បានប្រកាសរកឃើញម្ចាស់មកុដថ្មី MQC 2025 ហើយនោះ កម្មវិធីក៏បានប្រកាស Surprise យ៉ាងរំភើបចំពោះ Nean Nean ដោយសម្រាប់ Grand Winner Miss Queen Cambodia 2025 គឺបានទៅលើកញ្ញា Nean Nean ដដែល។ លើសពីនេះ កញ្ញា Nean Nean នឹងត្រូវត្រៀមខ្លួនតំណាងប្រទេសចូលរួមប្រកួតលើឆាកអន្តរជាតិក្នុងកម្មវិធីថ្មីមួយម្ដងទៀត នៅឯប្រទេសអ៊ីតាលីឆាប់ៗខាងមុខ៕