មហាជននិយមស្នេហាវិស័យចម្រៀងរ៉េប ច្បាស់ជាបានជ្រាបមកហើយនូវដំណើរក្លាយទៅជាតារា ទោលរបស់ លោក Dylux ដែលឈរឈ្មោះជាតារាចម្រៀងរ៉េបក្រោមផលិតកម្ម Plus 855។
ក្នុងនោះដែរ ក្រោយឈរឈ្មោះជាតារាចម្រៀងទោលហើយនោះ មួយរយៈក្រោយនេះ លោក DyLux ក៏មិនស្ងប់ស្ងាត់ធ្វើឱ្យអ្នកគាំទ្ររង់ចាំស្នាដៃលោកនោះឡើយ ពោលគឺលោកតែបញ្ចេញចម្រៀងរួមនឹងតារាចម្រៀងរ៉េបដទៃទៀតជាញឹកញាប់ផងដែរ។
យ៉ាងណាមិញ ថ្មីៗនេះ តារាចម្រៀងរ៉េប Dylux បាននឹងកំពុងបំពេញចិត្តអ្នកគាំទ្រជាថ្មីម្តងទៀតហើយ ដោយលោកបានបញ្ចេញនូវ Teaser នៃ Album ចម្រៀងថ្មីរបស់ខ្លួន ដែលមានចំណងជើងថា «-ល-» ដែលបង្ហាញនូវរសជាតិតន្ត្រីសម្បូរបែប និង រឿងរ៉ាវជីវិត ដែលលោកធ្លាប់ឆ្លងកាត់កន្លងមក។ លើសពីនោះ Album «-ល-» ក៏មានការសហការណ៍ច្រៀងនឹងតារាចម្រៀងរ៉េបមានប្រជាប្រិយភាពចំនួន ២ រូប៕
