មួយរយៈក្រោយមកនេះ គេសង្កេតឃើញថាប្រទេសថៃបានទទួលឥទ្ធិពលខ្យល់ព្យុះមួយហើយមួយទៀតមិនចេះអស់ ដែលបណ្តាលឱ្យទឹកទន្លេចៅផ្រះយ៉ាក៏ឡើងស្រកៗមិនចេះឈប់ តែក្រោយពីព្យុះ កន្លងទៅនេះ ប្រទេសថៃបានទទួលឥទ្ធិពលកាន់តែធ្ងន់ធ្ងរ ពោលគឺជិតលិចទីក្រុងបាងកកបណ្តើរៗហើយ។

តាមរយៈវីដេអូមួយនៅក្នុងបណ្តាញសង្គម បានបង្ហាញឱ្យឃើញថាទឹកទន្លេចៅផ្រះយ៉ា នៅម្តុំកំពង់ផែវត្តអរុណ បានកើនឡើងខ្ពស់ខ្លាំងណាស់ រហូតដល់ហួសខឿនទៅហើយ។ ហើយបើទោះជាមានបាវខ្សាច់ទប់ទល់យ៉ាងណា ក៏ទឹកនៅតែបន្តកើនឡើង និងរលកបោកបក់យ៉ាងគំហុក ដែលមើលមិនយូរទៀតទេ អាចនឹងលិចទីក្រុងបាងកកហើយ។

យ៉ាងណាមិញ ប្រជាជនថៃជាច្រើនក៏បាននាំគ្នា បញ្ចេញការព្រួយបារម្ភចំពោះការកើនឡើងនៃទឹកទន្លេចៅផ្រះយ៉ាលើកនេះ ដោយខ្លាចថាអាចនឹងមានទឹកជំនន់លិចទីក្រុងបាងកកធ្ងន់ធ្ងរដូចជាកាលពីឆ្នាំ ២០១១ កន្លងទៅ៕
សូមចុចទីនេះដើម្បីទស្សនាវីដេអូ៖


