របូតតំណែងមកុដយប់មិញ តែ ហុក សារិតុលា ធ្វើបានល្អ ឆក់បានជ័យលាភីលំដាប់រងទី ២ ជូនអ្នកគាំទ្រ

ក្រោយពីរង់ចាំអស់រយៈពេលច្រើនខែ ទីបំផុតកម្មវិធីប្រកួតសម្រស់ Miss Supranational Cambodia 2025 បានរកឃើញម្ចាស់មកុដហើយកាលពីរាត្រីថ្ងៃទី ០២ ខែមេសា ឆ្នាំ ២០២៥ គឺបានទៅលើ កញ្ញា ឈុំ ចាន់ដារ៉ា។ ក្នុងនោះដែរ លំដាប់រងទី ១ បានទៅលើ កញ្ញា ស៊ីដនី ម៉ារិទ្ធ, លំដាប់រងទី ២ បានទៅលើ កញ្ញា ហុក សារិតុលា, លំដាប់រងទី ៣ បានទៅលើកញ្ញា វ៉ា ម៉ាលីណា និង លំដាប់រងទី ៤ បានទៅលើកញ្ញា កាំង សូតុនឡេអា។

ដោយឡែក ក្រៅពីការអបអរទៅកាន់ កញ្ញា ឈុំ ចាន់ដារ៉ា ម្ចាស់មកុដ Miss Supranational Cambodia 2025 ដែលនឹងតំណាងកម្ពុជាទៅប្រកួតក្រៅប្រទេសហើយនោះ ងាកមកលំដាប់រងទាំង ៤ រូប ផ្សេងក៏ទទួលបានការអបអរពីសំណាក់មហាជនដូចគ្នាដែរ។

ជាក់ស្តែង បវរកញ្ញា ហុក សារិតុលា រំដាប់រងទី ២ Miss Supranational Cambodia 2025 ក៏កំពុងតែត្រូវបានមហាជនកោតសរសើរពីការវិលត្រឡប់មកឆាកប្រកួតជាថ្មីរបស់នាងលើកនេះ បើទោះជាមិនអាចដណ្តើមបានមកុដ ប៉ុន្តែ ហុក សារិតុលា ពិតជាធ្វើបានល្អ និង ឆក់យកបេះដូងអ្នកគាំទ្រពាសពេញប្រទេស៕