នៅព្រឹកថ្ងៃទី ២៦ ខែកក្កដា ឆ្នាំ ២០២៥ នេះ រដ្ឋមន្ត្រីក្រសួងព័ត៌មាន បានបញ្ជាក់ពីលទ្ធផលនៃកិច្ចប្រជុំបិទទ្វាររបស់ក្រុមប្រឹក្សាសន្តិសុខ អ.ស.ប. ដូចតទៅ ៖
១. អំពាវនាវឱ្យប្រកាន់យកការអត់ធ្មត់ជាអតិបរមា
២. បញ្ឈប់ហិង្សាប្រដាប់អាវុធ
៣. ដោះស្រាយជម្លោះដោយសន្តិវិធី
ក្នុងនោះផងដែរ រដ្ឋមន្ត្រីក្រសួងព័ត៌មានបានឱ្យថា ក្រោយកិច្ចប្រជុំបិទទ្វាររបស់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃទី ២៥ ខែកក្កដា ឆ្នាំ ២០២៥ តំណាងអចិន្ត្រៃយ៍របស់ថៃប្រចាំនៅ អ.ស.ប បានគេចពីក្រុមអ្នកសារព័ត៌មាន ចំណែកតំណាងអចិន្ត្រៃយ៍របស់កម្ពុជាប្រចាំនៅ អ.ស.ប បានជួបជាមួយអ្នកសារព័ត៌មាន និង បានឆ្លើយជាមួយអ្នកសារព័ត៌មាននៅទីស្នាក់ការអង្គការសហប្រជាជាតិនៅទីក្រុងញូវយ៉ក។
ឯកឧត្តមរដ្ឋមន្ត្រី បានបន្តថា ៖ «តើហេតុអ្វី? ខ្ញុំជឿថាមិនចាំបាច់ពន្យល់ ក៏អាចដឹងថាហេតុអ្វីត្រូវគេចមុខពីអ្នកសារព័ត៌មាន ព្រោះ……មិនហ៊ានប្រឈមមុននឹងការភូតកុហករបស់ខ្លួន និង ការបង្កហេតុមួលបង្កាច់របស់ពួកគេ»៕
