យំលែងចេញ! រដ្ឋឱ្យសំណងមួយគំនរមិនព្រមរើ សុខចិត្តឱ្យគេសង់ផ្លូវព័ទ្ធផ្ទះ ឥលូវលុយក៏មិនបាន រស់នៅក៏មិនកើតព្រោះថ្លង់ពេក

ថ្មីៗនេះ សារព័ត៌មានបរទេសបានរាយការណ៍ជាថ្មី ពីករណីម្ចាស់ផ្ទះមួយរូបនៅប្រទេសចិន ដែលមិនព្រមយកលុយសំណង សុខចិត្តឱ្យរដ្ឋាភិបាលសង់ផ្លូវល្បឿនលឿនព័ទ្ធជុំវិញផ្ទះ ដល់ឥលូវទ្រាំនឹងសំឡេងឡានមិនបាន ស្រាប់តែរើចេញដោយខ្លួនឯង។

តាមព័ត៌មានបានឱ្យដឹងថា ផ្ទះខាងលើនេះស្ថិតនៅខេត្ត Jiangsu ប្រទេសចិន ហើយម្ចាស់ផ្ទះគឺជាបុរសវ័យចំណាស់ ដែលរស់នៅជាមួយចៅអាយុ ១១ ឆ្នាំ។ កាលដើមឡើយ រដ្ឋាភិបាលបានស្នើទិញផ្ទះ និងដីខាងលើក្នុងទឹកប្រាក់ប្រមាណជាង ២៣ ម៉ឺនដុល្លារ ដើម្បីយកទៅអភិវឌ្ឍធ្វើផ្លូវល្បឿនលឿន ប៉ុន្តែម្ចាស់ផ្ទះមិនព្រមលក់ដាច់ខាត។ ក្នុងនោះដែរ ដោយសារតែគ្មានជម្រើស រដ្ឋាភិបាលក៏សម្រេចចិត្តធ្វើផ្លូវព័ទ្ធផ្ទះនោះតែម្តង។

យ៉ាងណាមិញ លុះមកដល់ពេលនេះ បុរសជាម្ចាស់ផ្ទះក៏សម្រេចចិត្តចាកចោលពីផ្ទះខាងលើនេះ ព្រោះតែធន់នឹងសំឡេងឡានដែលបើកបរ ២៤ ម៉ោងលើផ្លូវនោះមិនបាន ប៉ុន្តែក្នុងការចេញនៅពេលនេះ ម្ចាស់ផ្ទះមិនបានទទទួលលុយសំណងក្នុងតម្លៃដូចដើមកាលពីរដ្ឋាភិបាលស្នើឱ្យនោះទេ៕

ប្រភព៖ Khaosod