នៅថ្ងៃទី ២៦ ខែសីហា ឆ្នាំ ២០២៥ នេះ នាយឧត្តមសេនីយ៍ Nattapol Nakphanit រដ្ឋមន្ត្រីស្តីទីក្រសួងការពារជាតិថៃ បានឱ្យដឹងនៅក្នុងបទសម្ភាសមួយថា ខ្លួននឹងបញ្ជាឱ្យចាត់វិធានការតាមផ្លូវច្បាប់ចំពោះប្រជាជនខ្មែរដែលតវ៉ាជាមួយទាហានថៃនៅឃុំអូរបីជាន់ ទាក់ទងនឹងការរាយបន្លាលួស។
Nattapol Nakphanit បានឱ្យដឹងថា ការតវ៉ារើបន្លាលួសចេញរបស់ប្រជាជនខ្មែរ គឺខុសនឹងច្បាប់ព្រហ្មទណ្ឌទាក់ទងការបំផ្លាញទ្រព្យសម្បត្តិរបស់រដ្ឋាភិបាល ដូច្នេះដំណើរការក្តីទៅតាមផ្លូវច្បាប់។ ហើយនឹងត្រៀមប៉ូលិសគ្រប់គ្រងហ្វូងបាតុករខ្មែរ ព្រមទាំងការប្រើគ្រឿងបំពងសំឡេង LRADs ហើយបើសិនជាមានការឈ្លានពានចូលទៅក្នុងអធិបតេយ្យភាពរបស់ថៃ នោះទាហានមានសិទ្ធិតបតភ្លាមៗ បើទោះជាស្ថិតក្នុងបទឈប់បាញ់ក៏ដោយ។
យ៉ាងណាមិញ Nattapol Nakphanit បានឱ្យដឹងទៀតថា ខ្លួនជឿថាទាហានខ្មែរ គឺនៅពីក្រោយការតវ៉ារើសបន្លាលួសចេញរបស់ប្រជាជន ដូច្នេះបញ្ហានេះនឹងត្រូវយកទៅពិភាក្សានៅក្នុងកិច្ចប្រជុំ GBC នៅដើមខែកញ្ញាខាងមុខនេះ ដោយឡែកការចរចាក៏នៅតែចរចា ប៉ុន្តែកម្លាំងទាហានក៏បានត្រៀមរួចរាល់ដែរ៕
