និយាយពីជីវិតស្នេហារបស់តារាចម្រៀងប្រុសស្រី ប៉ាច គីមមួយ និង លោក សយ រតនៈ ក្រោយពីប្ដូរពីសង្សារទៅជាគូដណ្ដឹងជាង ៣ ឆ្នាំមកនេះ អ្នកទាំងពីរ បានចាប់ដៃគ្នារៀបចំជីវិតគូសម្រាប់ថ្ងៃអនាគត ដែលធ្វើការរកស៊ីកាន់កាប់មុខជំនួញជាមួយគ្នា និង បន្តស្វែងយល់ចិត្តគ្នា ខណៈមហាជនកំពុងរង់ចាំអ្នកទាំងពីរ ប្រកាសពេលវេលាល្អចូលរោងការសាងគ្រួសារ។
មកដល់មួយរយៈក្រោយ គូដណ្ដឹងមួយគូនេះ បានធ្វើឱ្យមហាជនចាប់អារម្មណ៍ និង រំភើបជំនួស ខណៈអ្នកទាំងពីរហាក់ចង់បង្ហើបទាក់ទងនឹងដំណឹងល្អនៃថ្ងៃពិសេស ដែលឃើញសកម្មភាពអ្នកទាំងពីរថតរូបជាគូ និង ដឹកដៃគ្នាទៅពិនិត្យសុខភាពបែបលក្ខណៈគូស្នេហ៍ត្រៀមរៀបការទៀតផង។
លើសពីនេះ កញ្ញា ប៉ាច គីមមួយ ក៏ធ្លាប់បង្ហើបពីគូដណ្ដឹងរូបសង្ហាលោក សយ រតនៈ កាន់តែរំអុកចង់ដល់ពេលវេលាល្អរៀបចំថ្ងៃមង្គល ដែលចង់ឱ្យខាងស្រីក្លាយជាកូនក្រមុំក្នុងជ័យរបស់លោកក្នុងឆ្នាំនេះទៀតផង។
ដោយឡែក ស្របពេលបង្ហើបពីដំណឹងល្អនៃរឿងមង្គល ថ្មីៗនេះ អ្វីកាន់តែចាប់អារម្មណ៍ចំពោះគូដណ្ដឹងមួយគូនេះ ខណៈបានឃើញសកម្មភាពរបស់អ្នកទាំងពីរ ដឹកដៃគ្នាទៅកាន់គ្លីនិចកែសម្ភស្សមួយ ដើម្បីជូនខាងស្រី គឺកញ្ញា ប៉ាច គីមមួយ កែកុនសម្រស់បន្ថែមលើចំណុចត្រង់ដើមទ្រូង ដើម្បីបន្ថែមភាពជឿជាក់កាន់តែទាក់ទាញ ដោយមានការគាំទ្រលើកទឹកចិត្តពីគូដណ្ដឹងរូបសង្ហាដោយផ្ទាល់ និង បានមើលថែខាងស្រីយ៉ាងយកចិត្តដាក់ពេញដោយក្ដីស្រឡាញ់។
ជាមួយគ្នានោះ កញ្ញា ប៉ាច គីមមូយ ក៏បានបង្ហោះវីដេអូភ្ជាប់ជាមួយសារនិយាយពីគូដណ្ដឹងរូបសង្ហាពេញដោយក្ដីសុខថា ៖ «ឱ្យតែពូកែមើលថែចឹង វះម៉ានដងក៏បានដែរ តែនិយាយមែនមានអារម្មណ៍ថាកក់ក្តៅ ឈឺក៏លែងដឹងឈឺដែរ ចាស់ទៅសូមជួយមើលថែអូនឱ្យដូចពេលនេះណា Soy Ratanak»៕
សូមចុចទីនេះដើម្បីទស្សនាវីដេអូ៖
