កាលពីថ្ងៃទី ២១ ខែកក្កដា ឆ្នាំ ២០២៥ កន្លងទៅនេះ គេសង្កេតឃើញថាមានក្រុមយុវជនវ័យជំទង់ជនជាតិខ្មែរច្រើនណាស់ បាននាំគ្នាទៅទស្សនាប្រាសាទតាមាន់ធំរបស់ខ្មែរ ហើយសកម្មភាពនេះបានធ្វើឱ្យភាគីថៃមិនពេញចិត្ត ហើយរករឿងយកលេសចោទកម្ពុជាមិនឈប់ឈរ។
សារព័ត៌មាន Thairath បានចុះផ្សាយថា ក្រុមយុវជនវ័យជំទង់ជនជាតិខ្មែរ មានចេតនាមករករឿងជនជាតិថៃ ដោយគេសង្កេតឃើញថា ក្រុមនេះបានដើរមើលមុខជនជាតិថៃយ៉ាងចម្លែក រួចក៏ក្រុមនេះដែលមានគ្នាប្រមាណ ៥ នាក់ ក៏បានចាប់ផ្តើមមានការប៉ះទង្គិចពាក្យសម្តីជាមួយនឹងជនជាតិថៃចំនួន ៣ នាក់ទៀត រហូតដល់មានការត្រៀមប្រើអំពើហិង្សាដាក់គ្នា តែចុងក្រោយត្រូវទាហានទាំងសងខាងមកបំបែកចេញ។
យ៉ាងណាមិញ ករណីនេះ បានធ្វើឱ្យភាគីថៃបានរកលេសចោទប្រកាន់មកកាន់កម្ពុជាជារឿយៗ ថាភាគីកម្ពុជា ជាពិសេសគឺអ្នកទេសចរណ៍តែងមកដោយចេតនាបង្ករឿង តែភាគីថៃមិនដែលមើលអប្បកិរិយារបស់អ្នកទេសចររបស់ខ្លួនសោះ ដែលភាគច្រើនតែងតែព្យាយាមធ្វើទង្វើ ក៏ដូចជាបោះសម្តីមើលងាយញុះញង់អ្នកទេសចរខ្មែរ ដែលនេះហើយ គឺជាចេតនាបង្ករឿងពិតប្រាកដ៕
ប្រភព៖ Thairath
