នៅថ្ងៃទី ០២ ខែកុម្ភៈ ឆ្នាំ ២០២៥ រដ្ឋបាលខេត្តកណ្ដាល បានចេញសេចក្តីជូនដំណឹង ស្តីពីការពង្វាងចរាចរណ៍នៅចំណុចស្ពានអាកាសសម្តេចមហាបវរធិបតី ហ៊ុន ម៉ាណែត ប្រសព្វរវាងមហាវិថីសម្តេចតេជោ ហ៊ុន សែន និង ផ្លូវជាតិលេខ២ នៅថ្ងៃទី ៣-១៥-១៧ ខែកុម្ភៈ ឆ្នាំ ២០២៥ ដើម្បីរៀបចំស្ទូចលើកផ្ទឹមស្ពានបេតុងអាម៉េ ចូលក្នុងការដ្ឋានសាងសង់។
តាមរយៈសេចក្ដីជូនដំណឹង រដ្ឋបាលខេត្តកណ្តាល សូមធ្វើការពង្វាងចរាចរណ៍នៅចំណុចស្ពានអាកាសសម្តេចមហាបវរធិបតី ហ៊ុន ម៉ាណែត ប្រសព្វរវាងមហាវិថីសម្តេចតេជោ ហ៊ុន សែន និង ផ្លូវជាតិលេខ ២ ដើម្បីរៀបចំស្ទូចលើកផ្ទឹមស្ពានបេតុងអាម៉េ ចូលក្នុងការដ្ឋានសាងសង់ តាមកម្មវិធីដូចខាងក្រោម៖
– ថ្ងៃទី ៣ ខែកុម្ភៈ ឆ្នាំ ២០២៥ បិទចរាចរណ៍កំណាត់ផ្លូវ ៦០ ម៉ែត្រ ពីស្តុបមហាវិថីសម្តេចតេជោ កែងនឹងផ្លូវ ៥០ ម៉ែត្រ មកដល់ផ្លូវជាតិលេខ ២ (ក្នុងបរិវេណការដ្ឋាន) ចាប់ពីម៉ោង ៧:០០ នាទីព្រឹក រហូតដល់ម៉ោង ១០:០០ នាទីយប់។
– ថ្ងៃទី ១៥ ខែកុម្ភៈ ឆ្នាំ ២០២៥ បិទចរាចរណ៍កំណាត់ផ្លូវ ៦០ ម៉ែត្រ ពីស្តុបមហាវិថីសម្តេចតេជោ កែងនឹងផ្លូវ ៥០ ម៉ែត្រ មកដល់ផ្លូវជាតិលេខ ២ (ក្នុងបរិវេណការដ្ឋាន) ចាប់ពីម៉ោង ៧:០០ នាទីព្រឹក រហូតដល់ម៉ោង ១០:០០ នាទីយប់។
– ថ្ងៃទី ១៧ ខែកុម្ភះ ឆ្នាំ ២០២៥ បិទចរាចរណ៍កំណាត់ផ្លូវជាតិលេខ ២ (ក្នុងបរិវេណការដ្ឋាន) និង ផ្លូវ ៦០ម៉ែត្រ ពីស្តុបមហាវិថីសម្តេចតេជោ កែងនឹងផ្លូវ ៥០ ម៉ែត្រ ទៅដល់មហាវិថីព្រលានសម្តេចតេជោ ចាប់ពីម៉ោង ៧:០០ នាទីព្រឹក រហូតដល់ម៉ោង ១០:០០ នាទីយប់។
ចំពោះកំណាត់ផ្លូវដែលត្រូវពង្វាងចរាចរណ៍នៅក្នុងការដ្ឋានសាងសង់ នឹងមានដាក់ជូននៅក្នុងផែនទី និង មានការណែនាំផ្ទាល់នៅច្រកទីតាំងដូចខាងក្រោម ៖
