ពិតណាស់ តារាចម្រៀងស្រីដ៏មានប្រជាប្រិយភាព អ្នកនាង សុខ ស្រីនាង ប៉ុន្មានឆ្នាំចុងក្រោយនេះ គេសង្កេតឃើញថា អ្នកនាងបានបាត់មុខឈឹងពីក្នុងវិស័យសិល្បៈ ដោយគេមិនដែលឃើញអ្នកនាងបង្ហាញមុខ ទាំងការបញ្ចេញបទចម្រៀងថ្មីៗ និង ឡើងច្រៀងលើឆាកប្រគំតន្រ្តីតូចធំផ្សេងៗទៀតឡើយ បន្ទាប់ពីប្រកាសថាលាឈប់ពីវិស័យមួយនេះ។
ស្របពេលតារាចម្រៀងស្រីរូបនេះ បាត់មុខពីវិស័យសិល្បៈដែរ ក្រឡេកទៅមើលបណ្ដាញសង្គមហ្វេសប៊ុករបស់អ្នកនាងវិញ ឃើញថាកំពុងតែប្រើជីវិតឯកជនយ៉ាងស្ងប់ស្ងាត់មួយឆ្ងាយពីអ្នកគាំទ្រ ដោយយូរៗម្ដងប៉ុណ្ណោះ ដែលអ្នកនាងបង្ហាញពីសកម្មភាពដំណើរកម្សាន្តលម្ហែកាយទាំងក្នុង និង ក្រៅប្រទេស។
យ៉ាងណាមិញ មួយរយៈក្រោយនេះ តារាចម្រៀងស្រី សុខ ស្រីនាង កាន់តែស្ងប់ស្ងាត់ទៅៗ ដោយយូរៗទើបបង្ហាញមុខម្ដងលើបណ្ដាញសង្គម ដែលធ្វើឱ្យមហាជនអ្នកគាំទ្ររបស់នាងបង្ហាញក្ដីនឹករឭកដល់នាងយ៉ាងខ្លាំង។ ដ្បិតតែយូរៗទើបបញ្ចេញរូបភាពលើបណ្ដាញសង្គមម្ដងមែន តែតារាស្រីរូបនេះ នៅតែឆក់បានការចាប់អារម្មណ៍ និង ការលើកសរសើរពីសម្រស់របស់នាងមិនផ្លាស់ប្ដូរ ថែមទាំងកាន់តែស្រស់ស្អាតសាច់ឈាមក្មេងល្វក់ទៀតផង។
ជាក់ស្ដែង ក្រោយខានឃើញបង្ហាញមុខជាងកន្លះឆ្នាំលើបណ្ដាញសង្គម ថ្មីៗនេះ អ្នកនាង សុខ ស្រីនាង ក៏បានបង្ហោះរូបភាពថ្មីប៉ុន្មានសន្លឹកក្នុងឈុតបែបប្រពៃណីខ្មែរចូលរួមពិធីមង្គល ហើយបើក្រឡេកទៅមើលរូបសម្រស់វិញ ក៏នៅស្រស់ស្អាត មុខមាត់ក្មេងផូរផង់គន់មិនជិនណាយដដែល៕
