នៅថ្ងៃទី ២៥ ខែកញ្ញា ឆ្នាំ ២០២៥ នេះ តាមរយៈសារព័ត៌មាន Khaosod បានឱ្យដឹងថា ពិធីករសារព័ត៌មានថៃដ៏ល្បី នាយ Sorayuth ដែលតែងតែស្រែកមាក់ងាយប្រទេសកម្ពុជាតាមរយៈប៉ុស្តិ៍ទូរទស្សន៍ ពេលនេះបានធ្លាក់ខ្លួនឈឺហើយ។
សារព័ត៌មាន Khaosod បានឱ្យដឹងថា Sorayuth បានផុសទម្លាយពីអាការរបស់ខ្លួននៅក្នុងបណ្តាញ IG ដោយផ្ទាល់ ដោយបង្ហាញឱ្យឃើញពីរូបភាពរបស់ខ្លួនកំពុងតែព្យួរសេរ៉ូម និង ដេកនៅលើគ្រែពេទ្យ។ ក្នុងនោះ នាយ Sorayuth បានឱ្យដឹងនៅក្នុងកម្មវិធីព័ត៌មានរបស់ខ្លួនថា ខ្លួនចាប់ផ្តើមកើតអាការក្តៅខ្លួន និង ឈឺពោះខ្លាំងតាំងពីម្សិលមិញ ហើយមកដល់យប់មិញនេះ កម្តៅក៏នៅតែមាន ទើបសម្រេចចិត្តចូលមន្ទីរពេទ្យដើម្បីសម្រាកព្យាបាល។
គួរឱ្យដឹងដែរថា ពិធីកររូបនេះដ្បិតតែប្រឡូកក្នុងវិស័យព័ត៌មានយូរមកហើយ តែមិនដែលបង្ហាញឱ្យឃើញពីការមានវិជ្ជាវីៈជាអ្នកសារព័ត៌មាននៅក្នុងខ្លួននោះទេ ដោយកន្លងមកតែងឡកឡើយមើលងាយប្រទេសកម្ពុជាតាមរយៈប៉ុស្តិ៍ទូរទស្សន៍មិនដាច់ឡើយ ជាពិសេសថ្មីៗនេះគឺលោកបានបញ្ជាឱ្យពិធីការិនីថៃជាដៃគូរបស់ខ្លួន ធ្វើសំឡេងត្រាប់តាមភាសាខ្មែរ យកជាកំប្លែងសើចសប្បាយទៀតផង៕
