ជាទូទៅការផ្លាស់ប្ដូរយុគសម័យ តែងមានរយៈពេល ២០ ឆ្នាំម្ដង ដែលនាំឱ្យមានការផ្លាស់ប្ដូរឥរិយាបថនៃការរស់នៅ។ ឈានចូលក្នុងឆ្នាំ ២០២៤ នេះ ជាយុគថ្មីដែលទើបតែផ្លាស់ប្ដូរ និង ឈានចូលមកដល់ ដែលត្រូវបានគេស្គាល់ថាជាយុគ ៩ ជាយុគភ្លើងផងដែរ។
ទន្ទឹមគ្នានេះផងដែរ បើតាមលោកគ្រូចិនសែម៉ុង ជាគ្រូហុងស៊ុយបែបវិទ្យាសាស្ត្រតែងចែករំលែកចំណេះដឹងល្អៗពីក្បួនហុងស៊ុយ វិធីសាស្រ្ដសែនព្រេងបែបចិន និង គ្រឿងហុងស៊ុយផ្សេងៗ តាមរយៈផេក ហុងស៊ុយ ថ្មីៗនេះ បានចែករំលែកនូវរឿងរ៉ាវមួយចំនួនដែលត្រូវដឹងនៅក្នុងយុគ ៩ នេះ សម្រាប់ជាចំណេះដឹង និង បម្រើឱ្យការរស់នៅប្រចាំថ្ងៃ។
លោកគ្រូ បានបញ្ជាក់អំពីយុគ ៩ ឱ្យបានដឹងថា ៖
– យុគ ៩ ធាតុភ្លើង មនុស្សកើតចិត្តប្រកួតប្រជែងគ្នាខ្លាំង បើអ្នកមិនចេះឃាត់ខ្លួនឯងទេ អាចលង់ជាមួយចិត្តប្រកួតប្រជែងខ្លាំងឡើងៗ កើតជាអារម្មណ៍ចង់ឈ្នះ ចង់ចាញ់គ្នា ក្នុងរូបភាពអាក្រក់មើលជាខ្លាំង។
– យុគ ៩ ធាតុភ្លើង មនុស្សអាចកើតចិត្តលោភលន់ បើមិនចេះឃាត់ខ្លួនឯងទេ អាចលោភលន់រហូតដល់ធ្វើទង្វើចាកពីគុណធម៌ទៅទៀត។
– យុគ ៩ ធាតុភ្លើង ភ្លើងអាចដុតបំភ្លឺភាពល្អ ភាពអាក្រក់ នៃមនុស្សលោកបាន តែអ្នកត្រូវចាំយុគនេះមនុស្សល្អ មិនសូវមាត់-កទេ តែមនុស្សមានចិត្តមិនសូវល្អទេដែលនិយាយច្រើន និយាយថាខ្លួនជាតួកម្សត់ ជាតួដែលត្រូវគេធ្វើបាប នេះជាចំណុចដែលអាចឱ្យបងប្អូនចំណាំបាន។
– យុគ ៩ ឬ យុគណាក៏ដោយ សុទ្ធតែមានរឿងល្អ រឿងអាក្រក់ទៅតាមយុគរៀងៗខ្លួន ដូចនេះកុំសូវបន្លាចអារម្មណ៍ខ្លួនឯងពេកអី៕
