ជារឿងដ៏គួរឱ្យសោកសង្រេង នៅវេលាម៉ោង ១០:២៥ នាទីយប់ ថ្ងៃទី ២៤ ខែតុលា ឆ្នាំ ២០២៥ មានករណីអគ្គិភ័យឆាបឆេះផ្ទះជួលមួយកន្លែង ក្នុងរាជធានីភ្នំពេញ បណ្ដាលឱ្យមានអ្នកស្លាប់ម្នាក់ និង របួសធ្ងន់ ៣ នាក់។
តាមប្រភពព័ត៌មានបានឱ្យដឹងថា មានស្រ្តីម្នាក់បានស្លាប់ និង មនុស្សប្រុសស្រី ៣ នាក់ទៀតរងរបួសធ្ងន់ បញ្ជូនទៅមន្ទីរពេទ្យ ក្នុងហេតុការណ៍អគ្គិភ័យឆេះម៉ូតូ ៤ គ្រឿង ក្នុងចំណុចផ្ទះជួលមួយកន្លែងនៅជាន់ខាងក្រោម ដោយមានការភិតភ័យ បានសម្រេចចិត្តលោតពីជាន់ទី ២ មកខាងក្រោម។
ករណីនេះបានកើតឡើងបង្កជាការភ្ញាក់ផ្អើល ស្ថិតតាមបណ្ដោយផ្លូវបេតុង (ក្រោយប៉ុស្តិ៍និរោធ) សង្កាត់និរោធ ខណ្ឌច្បារអំពៅ រាជធានីភ្នំពេញ៕
ប្រភព ៖ Fresh News Daily
