រាល់ដងធ្លាប់តែឃើញមានប៊ូថក់ (Botox) សម្រាប់ចាក់បន្តឹងស្បែកមុខ និង ដងខ្លួន បំបាត់ភាពជ្រីវជ្រួញ និង យារធ្លាក់ ឥលូវនេះ មានប៊ូថក់ម្យ៉ាងទៀត ឈ្មោះស្រដៀងគ្នានេះ ហៅថា ហូលថក់ (Holetox) ដែលអាចចាក់បន្តឹងបាតក្រោម ឬ រន្ធគូថ ល្អសម្រាប់បុរស និង នារី។
បើតាម វេជ្ជបណ្ឌិត Bita Ferrell ស្ថាបនិកមជ្ឈមណ្ឌលថែរក្សាសម្រស់ Natural Aesthetics Center នៅរដ្ឋកាលីហ្វ័រញ៉ា សហរដ្ឋអាមេរិក បានឱ្យដឹងថា Holetox គឺជានីតិវិធី ដែល ប៊ូថក់ ចាក់ទៅផ្នែកខាងក្នុងនៃរន្ធគូថ។ វាជាថ្នាំលើសពីធម្មតាមួយប្រភេទ អាចព្យាបាលការទល់លាមក ដោយជួយសម្រួលសាច់តំបន់រន្ធគូថឱ្យសម្រាក ជួយសម្រួលការកន្ត្រាក់សាច់ដុំ និង ធ្វើឱ្យមុខងារដំណើរការត្រឹមត្រូវឡើងវិញ។ លើសពីនេះ Holetox ជួយព្យាបាលការដាច់រលាត់ឱ្យឆាប់ជាសះស្បើយ និង បង្ការការវិវត្តទៅជាជំងឺឫសដូងបាតផងដែរ។
វេជ្ជបណ្ឌិត Bita Ferrell បន្ថែមទៀតថា ថ្មីៗនេះ នីតិវិធីនៃការចាក់ Holetox បានកំពុងមានទីផ្សារនៅក្នុងវិស័យសម្រស់ ហើយដែលសំខាន់ទៀតនោះ វាជួយបង្កើនដល់ទំនាក់ទំនងផ្លូវភេទទៀតផង។ តួយ៉ាង វាផ្តល់ភាពរីករាយសម្រាប់ការរួមភេទតាមទ្វារក្រោយ ដែលធ្វើឱ្យតឹងណែនល្អ។ បើសម្រាប់បុរសស្រលាញ់បុរស វាពេញនិយមចំពោះតួ bottom។
អ្នកជំនាញផ្នែកសម្រស់ម្នាក់ឈ្មោះ Chris Bustamante ស្ថាបនិកគ្លីនិក Lushful Aesthetics នៅទីក្រុងញ៉ូវយក បានលើកឡើងថា លោកតែងទទួលបានអតិថិជនធ្វើសេវាកម្មចាក់ Holetox ជាប្រចាំ។ អតិថិជនភាគច្រើន មានអាយុចន្លោះពី ២៥ ដល់ ៤០ ឆ្នាំ។ អតិថិជនសុទ្ធតែបុរស ឬ បុរសស្រលាញ់បុរស។ ក្រោយពេលទទួលសេវាកម្មនេះ ពួកគេមានទំនុកចិត្តជាងមុន។ ចំពោះតម្លៃវិញ ត្រឹមតែខ្ទង់ ៩០០ ដុល្លារ ប៉ុណ្ណោះ៕
ប្រភព៖ NYP
