ពិតណាស់ នៅល្ងាចថ្ងៃទី ២១ ខែកុម្ភៈ ឆ្នាំ ២០២៥ នេះ លើទឹកដីខេត្តសៀមរាបនឹងមានការរៀបចំព្រឹត្តិការណ៍ដ៏ធំមួយរបស់ប្រ៊េន Bulgari នៅទីតាំងប្រាសាទបាយ័ន ដែលមានវត្តមានចូលរួមដោយកំពូលតារាល្បីៗមកពីបណ្ដាប្រទេសផ្សេងៗ។
ក្នុងនោះ សម្រាប់កម្ពុជាក៏មានវត្តមានរបស់កំពូលតារាឆ្នើមកម្ពុជាម្នាក់នឹងចូលរួមក្នុងកម្មវិធីដ៏ធំនេះដែរ គឺតារាសម្ដែងស្រីល្បីឈ្មោះ កញ្ញា ស៊ីន យូប៊ីន ដែលទទួលបានការអញ្ជើញពី Bulgari ចូលរួមកម្មវិធីជាមួយកំពូលតារាល្បីទាំងនេះផងដែរ។
មកដល់ពេលនេះ ក្រឡេកទៅមើលសកម្មភាពនៃការចូលរួមកម្មវិធីលើទឹកដីខេត្តសៀមរាបនេះដែរ ឃើញថាវត្តមានរបស់កំពូលតារាល្បីៗមកពីបណ្ដាប្រទេសផ្សេងៗ និង តារាសម្ដែងស្រី ស៊ីន យូប៊ីន បានបង្ហាញវត្តមានជួបជុំគ្នាហើយក្នុងឈុតដ៏ស្រស់ស្អាត ដែលថតរូបដើរបង្ហាញជាមួយឈុតគ្រឿងអលង្ការរបស់ប្រ៊េន Bulgari នេះ។
ក្នុងនោះ បើចាប់អារម្មណ៍លើតារាស្រីកម្ពុជា ស៊ីន យូប៊ីន វិញ ក្នុងនាមជាម្ចាស់ផ្ទះ នាងក៏បានបង្ហាញវត្តមានជាមួយការតុបតែងខ្លួនក្នុងឈុតមួយស្រស់លេចធ្លោខ្លាំង ព្រមជាមួយគ្រឿងអលង្ការប៊្រេន Bulgari មួយឈុតតម្លៃរាប់ម៉ឺនដុល្លារ មិនឱ្យចាញ់កំពូលតារាល្បីៗមកពីបណ្ដាប្រទេសផ្សេងឡើយ៕
