នៅវេលាម៉ោង ១០ យប់ ថ្ងៃទី ៣១ ខែសីហា ឆ្នាំ ២០២៥ មានករណីទារកភេទប្រុសម្នាក់ ត្រូវបានគេយកមកប្លុងចោល នៅលើបេតុងក្រោមព្រះភូមិ មុខផ្ទះរបស់អ្នកភូមិ ដែលមានទីតាំងស្ថិតនៅ ផ្លូវបេតុង ក្បែរផ្លូវ ២១៧ ក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពព័ត៌មានបានឱ្យដឹងថា នៅយប់ថ្ងៃទី ៣១ ខែសីហា ឆ្នាំ ២០២៥ មានបុរសម្នាក់កំពុងឈ្ងោកចុចទូរស័ព្ទរង់ចាំអ្នកផ្ទះបើកទ្វារឱ្យ ស្រាប់តែឮសំឡេងក្មេងយំ ស្រាប់តែប្រទះឃើញទារកនៅជិតជើងរបស់ខ្លួនតែម្ដង ទើបខលហៅអ្នកភូមិឱ្យមកជួយមើល និង រាយការណ៍ទៅកាន់អ្នកសារព័ត៌មាន និង សមត្ថកិច្ច ខណៈនៅជាប់ជាមួយទារកខាងលើ គេឃើញមានកាបូបមួយដែលបន្សល់នូវកំប៉ុងទឹកដោះគោ ខោទឹកនោម សម្លៀកបំពាក់ទារក និង របស់របរមួយចំនួន។
យ៉ាងណាមិញ មកទល់ពេលនេះ គេនៅមិនទាន់ដឹងអត្តសញ្ញាណរបស់ឪពុកម្ដាយ ដែលបានយកទារកមកបោះបង់ចោលនៅឡើយទេ ខណៈក្រោយទទួលបានព័ត៌មាននេះ កម្លាំងសមត្ថកិច្ច បានចុះទៅដល់កន្លែងកើតហេតុដើម្បីធ្វើការស៊ើបអង្កេត និង ចាត់ការតាមនីតិវិធី៕
