ការតុបតែងខ្លួននៅអំឡុងពពោះ អាចជួយជំរុញឱ្យម៉ាក់ៗមានអារម្មណ៍ល្អ ស្រស់ស្រាយ និង សកម្ម។ ជាពិសេស អាចថតរូបជាមួយគភ៌ដ៏ឃ្យូត ដើម្បីទុកជាអនុស្សាវរីយ៍ផងដែរ។ បើម៉ាក់ៗមិនដឹងធ្វើខ្លួនបែបណាសម «ប្រជាប្រិយ» សូមណែនាំរបៀបតុបតែងខ្លួនងាយៗ ៥ ស្ទាយ៌ មានជាស្ទាយ៌លេងខ្លួនប្រចាំថ្ងៃ រហូតដល់ចូលរួមកម្មវិធី។
១. ឈុតរ៉ូប
ជ្រើសរើសរ៉ូបវែងពណ៌សឬពណ៌ស្រាលស្រទន់ ប្រភេទសាច់ក្រណាត់ប៉ាក់ ក្រណាត់រលោង ឬក្រណាត់ចាក់ភ្លឺផ្លេក គឺជាជម្រើសស័ក្តិសមបំផុតសម្រាប់ស្ត្រីមានគភ៌ក្នុងការស្លៀកពាក់ចូលរួមកម្មវិធីរាត្រីសមោសនានា។ អាចបន្ថែមពាក់គ្រឿងលម្អកាយដូចជា ក្រវិល ខ្សែក ចិញ្ចៀន ឬកងដៃ ម៉ូដបែបលាតៗ តូចៗ ដោយមានរំលេចត្បូងចែងចាំងឬគជ់។ អាចបន្ថែមកាន់កាបូបដៃតូចមួយជាការស្រេច។
២. សាមញ្ញ តែឡូយប្រចាំថ្ងៃ
ស្ត្រីដែលចាប់ផ្តើមរីកទំហំគភ៌កាន់តែធំ អាចបន្ថែមភាពទាន់សម័យស្លៀកជារ៉ូបក៏បាន ឬជាអាវយឺតឬអាវសាច់ក្រណាត់ ទុយនុយជាមួយសំពត់វែងរឹបរាងលើកចង្កេះផុតក្បាលពោះ។ ឈុននេះ ក៏សមសម្រាប់ពាក់ធ្វើការនៅការិយាល័យឬណាត់ជួបដៃគូជំនួញជាដើម។ គ្រឿងលម្អប្រើតែនាឡិកាដៃតូចមួយ និង កាបូបយួរទំហំសមល្មមគឺគ្រប់គ្រាន់។
៣. លេងពណ៌ស្រស់ស្រាយ
ហ្វេហ្សិនដ៏ទាក់ចិត្តនៅអំឡុងពពោះ គឺសេរីភាពនៃការពាក់ខោអាវរលុងៗ និង ពណ៌លេចៗដូចជាពណ៌ក្រហម ផ្កាឈូក ផ្ទៃមេឃ លឿង ឬមានរូបផ្កាចម្រុះពណ៌។ អាចបន្ថែមភាពទាក់ទាញ ដោយពាក់គ្រឿងលម្អជាអង្កាំតូចៗ ពាក់ស្បែកជើងឃ្លុប ពិសេសស្បែកជើងសង្រែករឹតតែស៊ីមេទ្រី។
៤. ហ្វេហ្សិនពណ៌ខ្មៅ
ផ្ទុយពីពណ៌លេចៗ ពណ៌ខ្មៅគឺជាពណ៌ហ្វេហ្សិនពេញនិយមមិនចេះសាបសូន្យ ដែលបង្ហាញពីភាពអង់អាច ហ្មត់ចត់ និង ច្បាស់លាស់ សំខាន់ពណ៌ខ្មៅអាចជួយបិទបាំងរាងរៅបានមួយកម្រិត។ បើចង់ពាក់គ្រឿងលម្អកាយ អាចជាត្បូងតូចធំភ្លឺផ្លេកជាដើម។
៥. ប្រើអាវធំឱ្យស៊ីវិល័យ
រយនិយមទាន់សម័យមួយបែបទៀត ដែលស្ត្រីមានគភ៌គ្រប់រូបមិនគួររំលេង គឺការស្លៀកពាក់ជារ៉ូបឬឈុតអាវទុយនុយខោ ដែលមានបន្ថែមពាក់អាវក្រៅពីលើ។ អាវក្រៅអាចជាប្រភេទអាវធំដៃវែងឬខ្លីតាមម៉ូដចូលចិត្ត ប៉ុន្តែបើសម្រុងកាន់តែវែង ហើយទំហំអាវធំជាងខ្លួនទៀតនោះ នឹងមើលមកហ្វេហ្សិន។ ម្យ៉ាងវាក៏ជាផ្នែកមួយជួយបិទបាំងទំហំពោះ និង សាច់ផ្នែកផ្សេងៗនៃដើមដៃ ក៏ដូចជារាងរៅផងដែរ។ អាចបន្ថែមពាក់នាឡិកាបែបស្ព័រ និង ពាក់ស្បែកជើងឃ្លុប ជាស្ទីលមួយបែបកំពុងពេញនិយម មើលមកក្មេងវ័យ៕
