បើរំឭកកាលប្រមាណជាង ២០ ឆ្នាំ មុន មហាជននិយមតាមដានខ្សែភាពយន្តប្រាកដជាបានស្គាល់មកហើយ នូវតារាសម្តែងស្រីសិចស៊ី អ្នកនាង បូនីតា ដាដេណា ដែលភាគច្រើននិយមដើរជាតួអង្គឆ្នាស់ឆ្នើម និង ជាតួអង្គខ្មោច។ ជាក់ស្តែង ដូចជារឿង «អាប» ជាដើមនោះ។
គេចាំបានថា ក្រោយផ្អាកពីវិថីសិល្បៈជាច្រើនឆ្នាំហើយនោះ នូវអំឡុងឆ្នាំ ២០១៨ អ្នកនាង បូនីតា ដាដេណា ក៏បានលេចវត្តមានជាថ្មីក្នុងខ្សែភាពយន្តមានចំណងជើងថា «ម្ចាស់ទាយាទ» ជាភាពយន្តចុងក្រោយ ដែលអ្នកនាងបានសម្តែង និង បានបញ្ចប់អាជីពសិល្បៈទាំងស្រុង។
ក្រោយពីបាត់មុខឈឹងលើវិថីសិល្បៈប្រមាណជា ៧ ឆ្នាំ មកនេះ ក្រឡេកមកមើលលើបណ្តាញសង្គមហ្វេសប៊ុក អ្នកគាំទ្រ ដែលនៅចងចាំអ្នកនាង បូនីតា ដាដេណា ក៏បានឃើញវត្តមានរបស់អ្នកនាង ជារឿយៗ ដោយអ្នកនាងបច្ចុប្បន្នមានអាជីពជាអ្នកលក់ផលិតផលថែរក្សាសម្រស់លើអនឡាញមួយរូប។
ក្នុងនោះដែរ អ្វីដែលធ្វើឱ្យអ្នកគាំទ្រចាប់អារម្មណ៍នោះ គឺសម្រស់របស់អតីតតារាស្រីរូបនេះ ប្លែកខុសពីមុនមើលសឹងមិនស្គាល់ ពោលគឺសម្រស់របស់អ្នកនាង បូនីតា ដាដេណា នៅតែក្មេងវ័យ សាច់ចាំដូចដើម៕
