កាលពីពេលថ្មីៗនេះ តារាស្រីរបស់ថៃ គឺ Mai Davikah បានដឹកដៃគូសង្សារ Ter chantavit ទៅចូលរួមកម្មវិធីសម្ភោធអាល់ប៊ុមចម្រៀងថ្មីរបស់ BamBam សមាជិក GO7 តែត្រូវមហាជននាំគ្នារិះគន់ពេញទឹកពេញដី ព្រោះតែឈុតដែលនាងស្លៀកទៅចូលរួមកម្មវិធីនោះមើលទៅហាក់មិនសមភ្នែកទាល់តែសោះ។
ក្នុងនោះ គេបានឃើញថា Mai Davikah បានលេងខ្លួននៅក្នុងឈុតដ៏សាមញ្ញ ដែលជាឈុតរឹបវាលក្លៀក ដែលបញ្ចេញឱ្យឃើញរាងរៅស្គមស្គាំងរបស់នាងដោយមិនលាក់កន្លែងណាឡើយ។ យ៉ាងណាមិញ ក្រោយពីបានឃើញហើយ មហាជនមួយចំនួនក៏បាននាំគ្នាបញ្ចេញការមិនពេញចិត្ត ដោយអ្នកខ្លះក៏និយាយថាមើលមិនដឹងស្អាតកន្លែងណា អ្នកខ្លះទៀតក៏ថាស្លៀកឈុតអ្វីមើលមិនយល់សោះ អ្នកខ្លះក៏ថាមើលមិនឃើញមុខឡើយ តែឃើញអ្វីផ្សេង រីឯមួយចំនួនទៀតក៏សួរថាបើស្លៀករឹបម្ល៉ឹងៗតើដកដង្ហើមយ៉ាងណា។ ពោលគឺ ភាគច្រើនលែងមើលនាងឃើញថាជាតារាតួឯកស្រីដែលខ្លួនធ្លាប់តែស្រឡាញ់ទៀតហើយ ព្រោះតែអត្តចរិត និងការស្លៀកពាក់របស់នាងកាន់តែពិបាកមើលទៅៗ។
ដោយឡែក បើទោះជាមានការិះគន់យ៉ាងណាក៏ដោយ ក៏នៅតែមានអ្នកគាំទ្រស្លាប់រស់របស់នាងមួយចំនួនបានចេញមុខមកការពារដែរ ដោយអ្នកខ្លះបានសរសើរថានាងស្លៀកអ្វីក៏នៅតែស្អាត រាងរៅក៏ស្អាត មុខមាត់ក៏ស្អាត ស្លៀកអ្វីក៏សមមិនទាស់ភ្នែកសោះ៕
ប្រភព៖ Mgronline
