មកដល់ពេលនេះ កញ្ញា ភឹម ស្រីនោ នៅតែជាបវរកញ្ញាមួយរូបមានសក្កានុពលក្នុងចិត្តមហាជនអ្នកគាំទ្រដដែល ដោយអ្នកគាំទ្រនៅតែចូលចិត្តតាមដានពីសកម្មភាពរបស់នាងមិនថាចូលរួមកម្មវិធីផ្សេងៗ ឬសកម្មភាពលើបណ្ដាញសង្គម។
បើក្រឡេកមើលបណ្ដាញសង្គមរបស់បវរកញ្ញារូបនេះ ពីមួយថ្ងៃទៅមួយថ្ងៃ នាងតែងឆក់បានការចាប់អារម្មណ៍ពីមហាជនអ្នកគាំទ្រជាមួយនឹងសកម្មភាពថ្មីៗ ព្រមទាំងបានបង្ហាញសកម្មភាពប្រឡូកលើវិស័យភាពយន្តទៀតផង។
យ៉ាងណាមិញ មួយរយៈក្រោយនេះ កញ្ញា ភឹម ស្រីនោ កាន់តែធ្វើឱ្យមហាជនអ្នកគាំទ្រចាប់អារម្មណ៍ ជាពិសេសសរសើរលើរូបសម្រស់របស់នាង ខណៈឃើញនាងបង្ហាញរូបភាពថ្មីៗ ក្រោយពីសំងំថែសម្រស់ ថែរូបរាងហាត់ប្រាណសម្រកគីឡូ កាន់តែស្រឡូនស្អាតប្លែក និង ក្មេងជាងមុន។ ជាមួយគ្នានោះ បណ្ដាអ្នកគាំទ្រជាច្រើនរបស់បវរញ្ញារូបនេះ កំពុងជំរុញលើកទឹកចិត្តឱ្យនាងវិលចូលវិស័យបវរកញ្ញាជាថ្មី ប្រកួតក្នុងកម្មវិធីណាមួយទៀតផង៕
