មហាជននិយមតាមដានតារាស្រី សាន្ត កុសុមៈ ច្បាស់ជាបានជ្រាបមកហើយនូវរូបសម្រស់ស្រស់ស្អាត បែបធម្មជាតិរបស់តារាស្រីរូបនេះ ដែលឆក់បានការសរសើរមិនដាច់ពីមាត់ពីមហាជន។
ក្នុងនោះ ចាប់តាំងពីថ្ងៃឈ្នះមកុដ «ធីតាឯកសង្ក្រាន្ត» ឆ្នាំ ២០២១ និង បានសម្តែងជាតួអង្គទេវធីតាឆ្នាំថ្មី ព្រះនាង មណ្ឌាទេវី និង ថតស្បតពាណិជ្ជកម្មជាតួទេវតាច្រើនមក តារាស្រីរូបនេះ ក៏ត្រូវបានមហាជនអ្នកគាំទ្ររមែងហៅនាងថា ទេពធីតា រហូតមកផងដែរ។
ដោយឡែក នៅថ្ងៃទី ១២ ខែកញ្ញា ឆ្នាំ ២០២៥ ដែលត្រូវជាថ្ងៃកំណើតគម្រប់ ២៣ ឆ្នាំ ស្រីស្អាត សាន្ត កុសុមៈ បានបង្ហោះរូបអបអរឆ្នាំថ្មីចំនួន ៤ សន្លឹក ទទួលបានការជូនពរជាបន្តបន្ទាប់ពីអ្នកគាំទ្រ។ លើសពីនោះ អ្វីដែលកាន់តែចាប់អារម្មណ៍ គឺរូបសម្រស់របស់តារាស្រីរូបនេះ គឺមិនខុសពីការដាក់ងារពីសំណាក់អ្នកគាំទ្រនោះឡើយ ពោលគឺសម្រស់កញ្ញា សាន្ត កុសុមៈ ស្រស់ស្អាតដូចទេពធីតា៕
