បើគិតមកដល់ពេលនេះ រយៈពេលប្រមាណជិត ៣ ឆ្នាំ មកហើយ ដែលតារាចម្រៀងប្រុសប្រចាំផលិតកម្មរស្មីហង្សមាស លោក ថុល សុភិទិ បានបើកចំហចំណងស្នេហ៍នឹងអ្នកលក់អនឡាញល្បី អ្នកនាង ឡុង ម៉ានីន។ ក្នុងនោះដែរ រយៈពេលប៉ុន្មានឆ្នាំនេះ លោក ថុល សុភិទិ និង អ្នកនាង ឡុង ម៉ានីន ក៏បានចាប់ដៃគ្នាសាងជីវិតគូយ៉ាងមានសុភមង្គល រស់នៅក្នុងទ្រនំតែមួយទៀតផង។
ដោយឡែក នៅថ្ងៃទី ២៦ ខែមិថុនា ឆ្នាំ ២០២៥ នេះ អ្នកគាំទ្របានឃើញលោក ថុល សុភិទិ បានបង្ហោះសារជូនពរគូស្នេហ៍ គឺអ្នកនាង ឡុង ម៉ានីន យ៉ាងផ្អែមល្ហែម។ តែយ៉ាងណាមិញ អ្វីដែលកាន់តែចាប់អារម្មណ៍ គឺសាររបស់ខាងស្រីវិញ ពោលគឺអ្នកនាង ឡុង ម៉ានីន បានឱ្យដំរួយថា ខែមិថុនា នេះ នាងរៀបចំពិធីខួបកំណើតអញ្ជើញភ្ញៀវតិចសិន តែនៅខែសីហា នឹងរៀបចំពិធីធំ។
សារនោះដែរ អ្នកនាង ឡុង ម៉ានីន រៀបរាប់ថា៖ «ថ្ងៃទី ២៦.៦ ជួបគ្នាណាបងប្អូន! ខួបខែនេះ ធ្វើតូចអញ្ជើញភ្ញៀវតែតិចសិនទេ ទុកខែ ៨ ភ្ជាប់ពាក្យ បានអញ្ជើញបងប្អូនអ្នកស្គាល់គ្រប់គ្នាណា»៕
