បើគិតមកដល់ពេលនេះ រយៈពេលប្រមាណជាងជិត ១ ឆ្នាំមកហើយ ដែលតារាចម្រៀងស្រីប្រចាំផលិតកម្មរស្មីហង្សមាស បានបង្ហាញមុខគូស្នេហ៍ជាសាធារណៈ គឺជាលោកប៉ូលិសរូបសង្ហាម្នាក់ បើគិតចាប់តាំងពីអំឡុងចុងឆ្នាំ ២០២៣ កន្លងទៅ។
បន្ទាប់ពីបើកចំហចំណងស្នេហ៍ភ្លាមៗ អ្នកគាំទ្រក៏តែងតែឃើញគូស្នេហ៍រូបសង្ហារបស់កញ្ញា សុខ សីឡាលីន បណ្តើរនាងទៅណាមកណាជុំគ្នាមិនដែលដាច់។ ជាពិសេសនោះ រាល់ពេលជួបជុំក្រុមគ្រួសារខាងស្រីម្តងៗ គឺមិនដែលបាត់វត្តមានខាងប្រុសនោះទេ។
យ៉ាងណាមិញ ស្រាប់តែប៉ុន្មានខែចុងក្រោយក្នុងឆ្នាំ ២០២៥ នេះ អ្នកគាំទ្រនិយមតាមដានជីវិតឯកជនរបស់កញ្ញា សុខ សីឡាលីន មិនសូវបានឃើញវត្តមានរបស់កញ្ញា សុខ សីឡាលីន និង គូស្នេហ៍ថតរូបជាគូទៀតនោះឡើយ ពោលគឺទាំងការបង្ហោះរូបភាពលើបណ្តាញសង្គមនានា ជាដើម។
ស្របគ្នានេះទៀត អ្វីដែលធ្វើឱ្យអ្នកគាំទ្រចាប់អារម្មណ៍ អ្នកលេង Tik Tok ភាគច្រើនបែរជាបានឃើញរូបភាពជាគូរវាងកញ្ញា សុខ សីឡាលីន និង ប៉ាប៉ាពោះម៉ាយ ដែលគេស្គាល់ឈ្មោះថា Sothon Huot ជិតស្និទ្ធគ្នាទៅវិញ រហូតមានអ្នកលើកឡើងថាអ្នកទាំងពីរអាចនឹងមានទំនាក់ទំនងពិសេសអ្វីមួយទៀតផង។ យ៉ាងណាក៏ដោយ ក៏មានអ្នកស្គាល់គ្នានឹងកញ្ញា សុខ សីឡាលីន និង លោក Sothon Huot បានចេញមកបញ្ជាក់ថា អ្នកទាំងពីរគ្រាន់តែជាមិត្តនឹងគ្នាប៉ុណ្ណោះ៕
សុំចុចទីនេះ ដើម្បីទស្សនាវីដេអូ៖