រយៈពេលប្រមាណជាងមួយឆ្នាំចុងក្រោយនេះ មហាជននិយមតាមដានជីវិតឯកជនរបស់តារាចម្រៀងរៀមច្បង លោក អេនឌី ច្បាស់ជាបានជ្រាបហើយថា បច្ចុប្បន្ន លោកមិនសូវមានវត្តមាននៅក្នុងប្រទេសកម្ពុជានោះឡើយ។
កាលពីអំឡុងឆ្នាំ ២០២៤ គេបានសង្កេតឃើញលោក អេនឌី តែងតែចាយពេលវេលាធ្វើដំណើរទៅកាន់សហរដ្ឋអាមេរិក និង ប្រទេសនានាជាច្រើន ដើម្បីដើរកម្សាន្ត រីឯប្រទេសកម្ពុជា លោកវិលចូលម្តងម្កាលពេលមានកម្មវិធីសិល្បៈធំៗប៉ុណ្ណោះ។
ដោយឡែកមួយឆ្នាំចុងក្រោយនេះ លោក អេនឌី បានសំងំចាយជីវិតទាំងស្រុងនៅឯសហរដ្ឋអាមេរិកហើយ ដោយក្នុងនោះ គេរមែងឃើញលោកដើរកម្សាន្តជារឿយៗជួបជុំមិត្តភក្តិ និង ក្រុមគ្រួសារនៅទីនោះ៕
