ជាការពិតណាស់ មហាជននិយមតាមដានជីវិតឯកជនរបស់តារាចម្រៀងប្រុស ជ័យ សូវ៉ាត ច្បាស់ជាបានជ្រាបខ្លះមកហើយពីរឿងរ៉ាវឯកជននៃជីវិតគ្រួសាររបស់លោក ដែលបច្ចុប្បន្ន លោក ជ័យ សូវ៉ាត គឺរស់នៅជាមួយនឹងឪពុកម្តាយធម៌។ ក្នុងនោះ ឪពុកម្តាយធម៌របស់លោក ជ័យ សូវ៉ាត បានទទួលយកលោកមកចិញ្ចឹមបីបាច់ដូចកូនបង្កើតតាំងពីអំឡុងឆ្នាំ ២០១៥ ពោលគឺពេលលោកអាយុ ២១ឆ្នាំ។
ក្នុងនាមជាកូនធម៌ក៏ពិតមែន ប៉ុន្តែលោក ជ័យ សូវ៉ាត បានបំពេញតួនាទីយ៉ាងល្អដូចជាកូនបង្កើត ដោយលោកខំប្រឹងប្រែងសិក្សា ធ្វើការតបស្នងសងគុណដល់អ្នកមានគុណទី ២ របស់លោក ដោយលោក ជ័យ សូវ៉ាត បានសិក្សាបញ្ចប់ថ្នាក់វេជ្ជបណ្ឌិតផង ជាម្ចាស់ឱសថស្ថានផង និង ប្រឹងប្រែងលើវិថីសិល្បៈផង មិនដែលឱ្យឪពុកម្តាយធម៌ពិបាកនោះឡើយ។
ជាក់ស្តែង ថ្មីៗនេះ លោក ជ័យ សូវ៉ាត បានធ្វើឱ្យឪពុកម្តាយធម៌របស់លោក មានមោទកភាពជាថ្មីក្នុងនាមជាអាណាព្យាបាល ដោយលោកបានជាប់អាហារូបករណ៍ដល់ទៅ ២ ឆ្នាំ ក្នុងការសិក្សាថ្នាក់អនុបណ្ឌិតជំនាញឯកទេសើស្បែកនៅប្រទេសកូរ៉េ។
យ៉ាងណាមិញ នៅយប់ថ្ងៃទី ១៧ ខែកញ្ញា ឆ្នាំ ២០២៥ នេះ លោក ជ័យ សូវ៉ាត នឹងធ្វើដំណើរទៅបន្តការសិក្សាហើយ ដោយនៅព្រឹកនេះ មុននឹងចាកចេញពីប្រទេសកម្ពុជា គឺលោកមិនភ្លេចគុណព្រះរស់នោះឡើយ ដោយតារាចម្រៀងប្រុសរូបនេះបានក្រោកពីព្រលឹមទទួលពរជ័យ ដោយឱ្យឪពុកម្តាយធម៌ស្រោចទឹកជូន។ ទន្ទឹមនឹងគ្នានោះ លោក ជ័យ សូវ៉ាត ក៏ទទួលបានការអបអរសាទរ និង ជូនពរដល់លោកនូវដំណើរថ្មី នៅប្រទេសកូរ៉េក្នុងការសិក្សាបន្តនេះផងដែរ៕
