ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនៅក្នុងវិស័យថតរូប ថតកុន ពោលគឺ Camera Man កំពុងផ្ទុះការចាប់អារម្មណ៍ និង ភ្ញាក់ផ្អើលយ៉ាងខ្លាំងពីករណីមានអ្នកជួលកាមេរ៉ា តែបែរជាយកទៅលក់។
ក្នុងនោះដែរ គេបានឃើញអ្នកថតរូបអាជីព និង ផលិតករមួយចំនួនបានបង្ហោះសារដូចៗគ្នាថា៖ «ALTER TO EVERYONE! ថ្មីៗនេះមានករណីឆបោក ដោយជួលឧបករណ៍ថតយកទៅលក់។ សូមមានការប្រុងប្រយ័ត្នខ្ពស់ មុននឹងជួលឱ្យនរណាម្នាក់។ គោលដៅភាគច្រើន ជាម៉ាស៊ីន Sony រាប់ពី A7lV ទៅ FX3»។
ភ្លាមនោះដែរ ក្រោយឃើញការបង្ហោះសារពីករណីខាងលើនេះហើយ ក៏មានអ្នកក្នុងវិស័យថតរូបជាច្រើន បានចូលទៅបញ្ចេញមតិ ថាពួកគេក៏ធ្លាប់ជួបរឿងបែបនេះដូចគ្នាច្រើនដែរ៕
