មហាជននិយមតាមដាន ជីវិតការងារ និង ឯកជនរបស់តារាស្រី នី មុនីនាថ ច្បាស់ជាបានជ្រាបហើយថា ប៉ុន្មានឆ្នាំចុងក្រោយនេះ កញ្ញាបានធ្វើការយ៉ាងសកម្មក្នុងការស្វែងរកឈាម ដើម្បីបរិច្ចាគដល់អ្នកខ្វះខាត តាមរយៈ «មូលនិធិឈាម នី មុនីនាថ»។
ដោយការសស្រាក់សស្រាំ នៃការស្វែងរកឈាម និង ជួយដល់អ្នកមានតម្រូវការឈាមជាចាំបាច់ កញ្ញា នី មុនីនាថ ត្រូវបានមហាជនដាក់ងារនាងថា «រាជិនីផ្តល់ឈាម» ទៀតផង។
ដោយឡែក ស្របពេលឱកាសបុណ្យចូលឆ្នាំខ្មែរខិតជិតមកដល់ និង មានការរៀបចំកម្មវិធីសង្ក្រាន្តគ្រប់ទីកន្លែងនោះ កញ្ញា នី មុនីនាថ ក៏បានរៀបចំកម្មវិធីនេះដូចគ្នាដែរ ប៉ុន្តែការរៀបចំសង្ក្រាន្តរបស់កញ្ញា នី មុនីនាថ គឺធ្វើបុណ្យរួមគ្នា ដោយការបរិច្ចាគឈាម។
ក្នុងនោះ កម្មវិធីបរិច្ចាគឈាមនេះដែរ កញ្ញា នី មុនីនាថ នឹងរៀបចំឡើងនៅថ្ងៃទី ០៦ ខែមេសា ឆ្នាំ ២០២៥ ខាងមុខនេះ នៅផ្សារទំនើប ដឹ អូឡាំព្យាស៊ីធី៕
