បាំងតែប៉ុន្មានសប្តាហ៍ទៀតប៉ុណ្ណោះ ពិធីកាន់បិណ្ឌ និង ភ្ជុំបិណ្ឌ មកដល់ហើយ ដោយក្នុងនោះគេបានឃើញតារាចម្រៀង ឱក សុគន្ធកញ្ញា បានបង្ហោះសាររំឭកជូនអ្នកគាំទ្រមុនគេនៅលើបណ្តាញសង្គមហ្វេសប៊ុក។
លើសពីនោះ អមនឹងសាររំឭកដល់ពិធីបុណ្យភ្ជុំបិណ្ឌប្រពៃណីជាតិ អ្នកនាង ឱក សុគន្ធកញ្ញា ក៏បានបង្ហាញនូវរូបភាពស្រស់ស្អាតជាច្រើនសន្លឹកក្នុងឈុតប្រពៃណីយ៉ាងសមសួនគួរឱ្យទាក់ភ្នែក ជាពិសេសនោះគឺឈរខាងនៅមុខប្រាសាទអង្គរវត្ត នារដូវភ្លៀង។
អ្នកនាង ឱក សុគន្ធកញ្ញា បានរៀបរាប់ថា ៖ «ទេសភាពស្រស់បំព្រង និង អស្ចារ្យ នៅប្រាសាទអង្គរនារដូវវស្សា មានតែនៅប្រទេសកម្ពុជា។ ពេលដែលបានឃើញ ហាក់បីដូចប្រាសាទកំពុងញញឹមមកកាន់យើង។ រដូវកាលភ្ជុំបិណ្ឌ ប្រពៃណីខ្មែរយើង បានជិតចូលមកដល់ហើយ បងប្អូនប្រជាជាតិយើង ទាំងស្រីប្រុសត្រៀមខ្លួនសម្រាប់ពិធីបុណ្យ តែកុំភ្លេច ព្រះរស់ នៅផ្ទះ»៕
