កាលពីរសៀលថ្ងៃទី ១៧ ខែវិច្ឆិកា ឆ្នាំ ២០២៥ កន្លងទៅ តារាកំប្លែងអ្នកនាង ខ្ញុង បានបង្ហាញអារម្មណ៍ភ័យផង អរផង ខណៈអ្នកនាងកំពុងឈឺពោះ រង់ចាំសម្រាលកូនទី ៣ ដែលជាកូនស្រីដំបូងក្នុងគ្រួសារ។ ក្នុងនោះដែរ មហាជនអ្នកគាំទ្រ ក៏បានរង់ចាំ និង ជូនពរដល់តារាកំប្លែង ខ្ញុង និង កូនស្រីឱ្យមានសុខភាពល្អផងដែរ។

ដោយឡែក ក្រោយឈឺពោះរង់ចាំសម្រាល នៅថ្ងៃទី ១៨ ខែវិច្ឆិកា ឆ្នាំ ២០២៥ នេះ អ្នកនាង ខ្ញុង និង ស្វាមី គឺលោក កៃដរ បានឃើញមុខកូនស្រីហើយ ដោយនាងតូចមានមុខមាត់ឃ្យូដគួរឱ្យស្រឡាញ់ណាស់។

គួរជម្រាបថា អ្នកនាង ខ្ញុង និង លោក កៃដរ បានរៀបការកាលពីថ្ងៃទី ៨ ខែសីហា ឆ្នាំ ២០១៩ ដោយទទួលបានចំណងដៃកូនប្រុសស្រីចំនួន ២ នាក់ហើយ៕






