ពិតជារឿងមួយដែលកំពុងតែធ្វើឱ្យមានការផ្ទុះសំណើចហួសចិត្តនៅតាមបណ្តាញសង្គមក្នុងប្រទេសថៃ ដោយមានស្រ្តីម្នាក់ប្រកាសលក់ពស់វែកតាមអនឡាញ ស្រាប់តែមានសុទ្ធតែស្រីៗនាំគ្នាចូលទៅកុម្ម៉ង់ទិញ បំណងចង់ផ្ញើទៅឱ្យសង្សារចាស់។
តាមព័ត៌មានបានឱ្យដឹងថា ស្រ្តីខាងលើនេះបានប្រកាសលក់ពស់វែកមួយសម្បុកនៅតាមបណ្តាញសង្គម Facebook ដែលមើលទៅគួរឱ្យព្រឺសម្បុរមិនតិចឡើយ។ ក្រោយមកស្រាប់តែមានមហាជនជាច្រើនបានចូលទៅខមមិន ដោយអ្នកខ្លះចង់កុម្ម៉ង់ទៅឱ្យអ្នកដែលធ្លាប់ឈ្លោះគ្នា អ្នកខ្លះទៀតចង់កុម្ម៉ង់ឱ្យអ្នកដែលខ្លួនមិនចូលចិត្ត ជាពិសេសគឺស្រីៗសុទ្ធតែចង់កុម្ម៉ង់ទិញឱ្យទៅ Surprise សង្សារចាស់ ឃើញហើយពិតជាគួរឱ្យហួសចិត្តអស់សំណើចតែម្តង។
យ៉ាងណាមិញ ស្រ្តីជាអ្នកលក់បានឱ្យដឹងថា តាមពិតទៅគ្មានអ្នកហ៊ានទិញនោះទេ ដំបូងឡើយធ្លាប់មានម្នាក់មកកុម្ម៉ង់ទិញដែរ តែស្រាប់តែផ្ញើឱ្យហើយក៏មិនយកវិញ ធ្វើខ្លួនត្រូវខាតលុយថ្លៃផ្ញើទៅទៀត៕
ប្រភព៖ Kapook
