ថ្មីៗនេះ មានមីនុយម្ហូបថ្មីកំពុងតែធ្វើឱ្យផ្ទុះការចាប់អារម្មណ៍នៅតាមបណ្តាញសង្គម ដែលជាមីនុយសរសៃដែកអាំងអំបិលម្ទេសក្តៅៗ ហូបហើយអ្នកលក់មិនយកដែកវិញទេ ហើយអ្នកទិញអាចយកទៅលក់អេតចាយបានទៀត។
តាមព័ត៌មានបានឱ្យដឹងថា មីនុយសរសៃដែកអាំងនេះ ជាមីនុយប្រចាំទីក្រុង Wenzhou ប្រទេសចិន ដែលគេប្រើសរសៃដែកទំហំធំល្មម ហើយធ្វើឱ្យវាមើលទៅដូចជាសាច់ក្រកដោតចង្កាក់ និង បានយកទៅអាំងលើភ្លើង ព្រមទាំងដាក់គ្រឿងផ្សេងៗមានដូចជា ស្លឹកខ្ទឹម ជី ម្ទេស មើមខ្ទឹម ទឹកម្ទេស ខ្លាញ់ជាដើម។ ចំណែកតម្លៃវិញ គឺចាប់ផ្តើមពីកន្លះគីឡូ ១៥ ដុល្លារឡើងទៅ។
យ៉ាងណាមិញ ខាងម្ចាស់ហាងបានឱ្យដឹងថា បើអ្នកណាមានធ្មេញមាំខ្លាំងខាំបានក៏ខាំទៅចុះ រីឯធ្មេញមិនល្អគ្រាន់តែជញ្ជក់ក៏បាន ជាពិសេសនោះ គឺត្រូវតែញ៉ាំក្តៅៗប៉ុណ្ណោះទើបឆ្ងាញ់ បើទុកឱ្យត្រជាក់មិនឆ្ងាញ់នោះទេ។ លើសពីនេះទៀត អ្នកដែលហូបហើយអាចយកដែកទុកខ្លួនឯងបាន អ្នកលក់មិនយកវិញនោះទេ៕
សូមចុចទីនេះដើម្បីទស្សនាវីដេអូ៖
ប្រភព៖ Khaosod
