មិនសារភាពពីទំនាក់ទំនងច្បាស់ តែតារាស្រី យ៉ា សុផាន់ម៉ៃ និង ប្រុសស្អាត Lee Xing ត្រសងទៅត្រសងមកដូចសង្សារ

ក្រៅពីទទួលបានការចាប់អារម្មណ៍សរសើរពីទេពកោលស្យលើវិស័យសិល្បៈ តារាសម្ដែងស្រីដ៏មានប្រជាប្រិយភាព យ៉ា សុផាន់ម៉ៃ កន្លងមកក៏ត្រូវបានមហាជនអ្នកគាំទ្រតាមដានពីជីវិតឯកជន និង រឿងរ៉ាវស្នេហារបស់់នាងដែរ។

បើនិយាយរឿងស្នេហា កាលមួយរយៈមុន តារាស្រី យ៉ា សុផាន់ម៉ៃ ត្រូវបានមហាជនផ្ទុះចាប់អារម្មណ៍ខ្លាំង ក្រោយពីបានឃើញនាង និង បុរសរូបសង្ហាម្នាក់ឈ្មោះ Lee Xing បង្ហាញវត្តមានជាគូក្នុងថ្ងៃមង្គលរបស់ពិធីការិនី ហ៊ិន ច័ន្ទនីរ័ត្ន ហាក់ចង់បង្ហាញពីទំនាក់ទំនងស្នេហារបស់អ្នកទាំងពីរ ដែលរាល់រូបភាព និង វីដេអូផ្អែមល្ហែមផ្សេងៗ ត្រូវបានអ្នកគាំទ្រចែករំលែកបង្ហាញចិត្តរំភើបអបអរជំនួស។

ក្រោយពីបង្ហាញសកម្មភាពបណ្ដើរគ្នាផ្អែមល្ហែមកាលនោះ ស្រីស្អាតប្រុសសង្ហាមួយគូនេះ ក៏ពុំបានចេញបញ្ជាក់ច្បាស់ៗពីទំនាក់ទំនងថាជាស្នេហា ឬយ៉ាងណាឡើយ ដោយក្រោយមកគ្រាន់តែឃើញយូរៗម្ដង យ៉ា សុផាន់ម៉ៃ និង លោក Lee Xing បានបង្ហាញរូបភាពជាគូផ្អែមល្ហែមដូចគូសង្សារបន្តបន្ទាប់់់់់់់់់់់។

យ៉ាងណាមិញ មកដល់ថ្មីៗនេះ ដ្បិតតែមិនសូវបង្ហាញ និង មិនទាន់សារភាពពីទំនាក់ទំនងមែន តែតារាស្រី សុផាន់ម៉ៃ និង ប្រុសស្អាតរូបនេះ នៅតែឃើញបណ្ដើរគ្នាយ៉ាងត្រសងទៅចូលរួមកម្មវិធីមង្គលជាមួយគ្នាផ្អែមល្ហែមដដែល៕