មិនលេងសើចទេ! ចេះតែមានចរន្តឆក់ៗប្លែកជាមួយរបស់ជុំ​វិញខ្លួន អ្នកអាចកំពុងមានបញ្ហាសុខភាពគួរឱ្យបារម្ភទាំងនេះ

ប្រាកដជាមានមហាជនច្រើនណាស់ ដែលជួបប្រទះបញ្ហាការមានចរន្តឆក់ប្លែកៗជាមួយនឹងរបស់នៅជុំវិញខ្លួន​ ដូចជាឆក់ជាមួយទ្វារ ឆក់ជាមួយចាន ឬសូម្បីតែក្រណាត់ខោអាវជាដើម។ យ៉ាងណាមិញ ការឆក់បែបនេះញឹកញាប់ ត្រូវបានអ្នកជំនាញមួយរូបឈ្មោះ Gao Minmin បានឱ្យដឹងថា អាចទាក់ទងនឹងរឿងបញ្ហាសុខភាពមួយចំនួនដូចខាងក្រោមនេះ៖

១. ខ្វះអុកស៊ីសែន

ការខ្វះអុកស៊ីសែន បណ្តាលមកពីការភាពតានតឹងដែលកើនឡើងនៅក្នុងខ្លួន ដែលធ្វើប្រព័ន្ធប្រសាទ ធ្វើការកាន់តែខ្លាំងឡើង។ កាលណាប្រព័ន្ធប្រសាទធ្វើកាន់តែខ្លាំងឡើង សាច់ដុំក៏កាន់តែតឹង និង ត្រូវការអុកស៊ីសែនបន្ថែមទៀត។

២. ខ្វះជាតិទឹក

ការទទួលទានទឹកមិនគ្រប់គ្រាន់ អាចបណ្តាលឱ្យប្រព័ន្ធរំលាយអាហារធ្វើការមិនបានល្អ ដែលបង្កឱ្យមានការទល់លាមក គ្រួសក្នុងតម្រងនោម ស្បែកស្ងួតជាដើម។ ហើយស្បែកស្ងួតនេះហើយ ដែលបណ្តាលឱ្យចរន្តអគ្គីសនីងាយនឹងកើតឡើង។

៣. បរិស្ថានមានភាពស្ងួត

នៅរដូវត្រជាក់ ស្បែកនឹងកាន់តែស្ងួតខ្លាំង ដែលអាចបង្កឱ្យមានការកកិត និង កើតចរន្តអគ្គីសនីថែមទៀត។

៤. ការរលាកក្រពះពោះវៀន

ការរលាកក្រពះពោះវៀន បង្កឱ្យមានការក្អួត ឬរាគ ដែលនាំឱ្យរាងកាយបាត់បង់អេឡិចត្រូលីត និង ខ្សោះជាតិទឹក បង្កឱ្យងាយកើតចរន្តអគ្គីសនី។

៥. ស្នាមរបួសរលាកដោយសារកម្តៅ

ការរបួសដោយសារតែការលាកកម្តៅ ធ្វើស្បែកខូចរនាំងការពារ បាត់បង់ជាតិទឹក និង ងាយនឹងឆ្លងមេរោគ ជាពិសេសគឺងាយនឹងមានចរន្តអគ្គីសនី។

៦. ជំងឺទឹកនោមផ្អែម

ជំងឺទឹកនោមផ្អែម នាំប្រព័ន្ធភាពស៊ាំចុះខ្សោយ ធ្វើឱ្យវាងាយឆ្លងបាក់តេរី៕

ប្រភព៖ Sanook