ពិតណាស់ ជុំវិញរឿងរ៉ាវរបស់អ្នកជំនួញអនឡាញល្បីឈ្មោះ អ្នកនាង Madam Da មហាជនអ្នកតាមដានលើបណ្ដាញសង្គមច្បាស់ជាបានជ្រាបខ្លះៗមកហើយនូវរឿងរ៉ាវពាក់ព័ន្ធនឹងហរិញ្ញវត្ថុ ការរកស៊ីរបស់អ្នកនាង រហូតធ្វើឱ្យមហាជនខ្លះបានប្រើពាក្យទៅកាន់នាងថា «មានប្រហោងក្នុង»។
យ៉ាងណាមិញ ក្រោយជួបវិបត្តិហិរញ្ញវត្ថុរបស់ Madam Da ហើយនោះ ថ្មីៗនេះ គេបានឃើញប្អូនស្រីបង្កើតតែម្នាក់របស់ Madam Da គឺអ្នកលក់អនឡាញល្បីដូចគ្នា អ្នកនាង Madam Chorda ក៏បានបង្ហោះសារបង្ហាញអារម្មណ៍ និង គាស់កកាយពីផលវិបាករបស់បងស្រី ដែលបានជួបប្រទះកន្លងមកពាក់ព័ន្ធនឹងបញ្ហាលុយកាក់រាប់សិបម៉ឺនដុល្លារផងដែរ។
ដោយឡែក ងាកទៅកាន់តារាសម្តែងប្រុស Berry គូស្នេហ៍របស់ Madam Da ឯណោះវិញ មួយរយៈក្រោយ ពេលមិត្តស្រីជួបបញ្ហានេះដែរ ក៏មានមហាជនមួយចំនួនតូចលើកឡើងថា មិនយូរទេ លោកនឹងទៅចោលនាងជាក់ជាមិនខាន ប៉ុន្តែអ្វីៗ គឺផ្ទុយស្រឡះ ថ្មីៗនេះ លើផេកលោក Berry ក៏បានបង្ហាញពីសកម្មភាពមួយចំនួន ចង់បញ្ជាក់ថា បើទោះជាមានបញ្ហាអ្វីចំណងស្នេហ៍របស់លោក និង មិត្តស្រីមិនប្រែប្រួលនោះឡើយ។
លោក Berry បានបង្ហាញនូវភាពមមាញឹកយ៉ាងខ្លាំង ក្នុងការជួយការងាររបស់ Madam Da ខណៈនាងបានដាក់លក់ផលិតផលឡៃឡុង ខាតដើម ដើម្បីទទួលបានចំណូលខ្លះ។ ក្នុងនោះ លោក Berry បានជួយការងារវេចខ្ចប់អីវ៉ាន់ រួមជាមួយក្រុមការងារដទៃ ដោយមើលទៅជាផ្នែកមួយនៃការជួយទាំងកម្លាំងកាយ ចិត្ត ដល់មិត្តស្រី ដែលកំពុងជួបបញ្ហា៕
សូមចុចទីនេះ ដើម្បីទស្សនាវីដេអូ៖
