ក្រឡេកមួយភ្លែត ស្មានតែកាបូបបង្កើតឡើងដោយ AI តែតាមពិត វាជាសិល្បៈបង្កើតម៉ូដថ្មី ដែលប្រ៊េន Louis Vuitton សហការគ្នាជាមួយសិល្បករជនជាតិជប៉ុន Takashi Murakami ដើម្បីដាក់បង្ហាញនៅក្នុងពិព័រណ៍សិល្បៈអន្តរជាតិ Art Basel Paris។
កាបូប Louis Vuitton ម៉ូដឃ្យូតៗមានលម្អតុក្កតា និង ពណ៌ចម្រុះនេះ ជាការបញ្ចេញលើកទី ៧ ហើយ នៃការសហការទៅលើខូឡិកហ្សិន Artycapucines។ តួយ៉ាង ខាង Louis Vuitton បានឱ្យឈ្មោះខូឡិកហ្សិននេះថា Artycapucines VII ដែលជាសិល្បៈនៃការស្រមើស្រមៃ ដែលមានតម្លៃចាប់ពី ៣៥ ៤០០ ឡើងទៅ។
ខូឡិកហ្សិននេះ បានតុបតែងលម្អកាបូបប្រភេទ Capucines ទៅជាសិល្បៈរស់រវើក រាប់តាំងពីការប្រើពណ៌មាសភ្លឺរលោងនៅលើកាបូប Capucines BB Golden Garden លម្អជាមួយស្លឹកឈើ ផ្កា ផ្សិត និង តួអង្គមឹក Mr DOB ដែលជាចំណូលចិត្តរបស់សិល្បករ Takashi Murakami តែម្តង។
គួរឱ្យដឹងដែរថា កាបូបខូឡិកហ្សិន Artycapucines VII បានដាក់តាំងបង្ហាញនៅសារមន្ទីរ Grand Palais នៅទីក្រុងប៉ារីស ដែលធ្វើឱ្យការតាំងពិព័រណ៍ប្រកបដោយភាពរស់រវើក និង ទាក់ទាញបំផុត៕
