លើបណ្ដាញសង្គមមហាជនអ្នកគាំទ្រវិស័យភាពយន្តខ្នាតធំ កំពុងផ្ទុះការចាប់អារម្មណ៍ខ្លាំងចំពោះភាពយន្តខ្នាតធំខ្មែររឿង «ភ្លើងឆេះក្លឹបក្រោមដី» ដែលជាសាច់រឿងដកស្រង់ពីហេតុការណ៍ពិតកាលឆេះក្លឹបក្រោមដីនៅខេត្តសៀមរាប អំឡុងឆ្នាំ ២០២១ កន្លងទៅ ដោយគេយកមកផលិតជាសាច់រឿងបែបកម្សត់ និង ព្រឺព្រួចបញ្ចាំងក្នុងរោងកុន។
ភាពយន្តខ្នាតធំខ្មែរ «ភ្លើងឆេះក្លឹបក្រោមដី» នេះ ចាក់បញ្ចាំងជាផ្លូវការភ្លាម ប៉ុន្មានថ្ងៃមកនេះ ពិតជាទទួលបានការគាំទ្រខ្លាំង ដែលបន្ទាប់ពីទស្សនារួចមហាជនបានផ្ទុះចែករំលែក និង សរសើរថាល្អមើលខ្លាំង ទាំងសាច់រឿង ទាំងប្លង់ថត និង តួសម្ដែងនីមួយៗមានទេពកោលសល្យសម្ដែងបានសមខ្លាំង។
លើសពីនេះ អ្វីដែលមហាជនកំពុងផ្ទុះចែករំលែកខ្លាំងទៀត គឺចំពោះតួអង្គឈ្មោះ ពិសី ជាតួអង្គត្រូវបានព្រាយចូលសណ្ឋិត ដែលតួអង្គនេះត្រូវបានអ្នកគាំទ្រសរសើរពីទេពកោសល្យនៃការសម្ដែងជាព្រាយរបស់នាង ទាំងទឹកមុខ ទាំងកាយវិការសមខ្លាំង រហូតធ្វើឱ្យមហាជនទស្សនាព្រឺសម្បុរខ្លាចទាំងមិនបានឃើញមុខព្រាយពិតប្រាកដបែបណានោះ៕
