ថ្មីៗនេះ មហាជននិយមតាមដានសកម្មភាពការងាររបស់ម្ចាស់ពាន MasterChef Khmer រដូវកាលទី ២ កញ្ញា ប៉ិច ស្រីណុច បានច្បាស់ជាបានជ្រាបហើយថា កញ្ញាកំពុងត្រៀមចេញលក់ផលិតផលទៅតាមជំនាញជាស្នាដៃរបស់ខ្លួន គឺម្សៅស៊ុបមាន់ ដែលជាស្នាដៃស្រាវជ្រាវរូបមន្តពិសេសរបស់ខ្លួន។ ក្នុងនោះ ម្សៅស៊ុបមាន់របស់កញ្ញា ប៉ិច ស្រីណុច បានឆ្លងកាត់ការត្រួតពិនិត្យជាបន្តបន្ទាប់ដែរ ដោយនឹងត្រៀមដាក់លក់លើទីផ្សារឆាប់ៗនេះ។
បើទោះជា ម្សៅស៊ុបមាន់ របស់ម្ចាស់ពាន MasterChef Khmer រដូវកាលទី ២ កញ្ញា ប៉ិច ស្រីណុច នៅមិនទាន់បានចេញលក់ជាផ្លូវការក្តី ប៉ុន្តែតាមរយៈការផ្តល់ជូនដំណឹងជាបន្តបន្ទាប់នៅរបស់ចុងភៅឯករូបនេះ ក៏បានឱ្យដឹងថា ផលតិផលរបស់កញ្ញាបានធ្វើការពិសោធន៍មួយជំហានៗតាមដំណាក់កាល រីឯសមិទ្ធផលចុងក្រោយនឹងអាចប្រើរយៈពេល ២ ខែ ទៀតនឹងលេចចេញជារូបរាងហើយ។
យ៉ាងណាមិញ អ្វីដែលកាន់តែចាប់អារម្មណ៍នោះ កន្លងមកមហាជនច្បាស់ជាបានដឹងមកហើយពីសមត្ថភាពនៃការចម្អិនម្ហូបរបស់ចុងភៅដ៏ឆ្នើមដែលជាម្ចាស់ពាន MasterChef Khmer រដូវកាលទី ២ កញ្ញា ប៉ិច ស្រីណុច ប៉ុន្តែអ្វីដែលកាន់តែគួរឱ្យសរសើរនោះ កញ្ញា ប៉ិច ស្រីណុច គឺជាអតីតនិស្សិតគីមីចំណីអាហារមួយរូបដែរ ទើបធ្វើឱ្យកញ្ញាមានសមត្ថភាពក្នុងការផលិតចេញជាម្សៅស៊ុបមាន់ដោយផ្ទាល់ដៃដូច្នេះ៕
