មិនមែនលំៗទេ! តារាប្រុសស្រី ៥ រូប មានជីវិតហាយសូរមិនធម្មតា ជះលុយម្តងៗរាប់ម៉ឺនដុល្លារ របស់ប្រើសុទ្ធតែប្រ៊េនលំដាប់ខ្ពស់

ជីវិតបែបមហាសេដ្ឋី សំដៅដល់របៀបរស់នៅលំដាប់ខ្ពស់ រាប់តាំងពីរបស់របរប្រើប្រាស់ ការហូបចុក រហូតដល់ដល់ការកម្សាន្ត ដែលមានលក្ខណៈប្រណីត និង ចាយលុយមិនគិតខ្ទង់។​ យ៉ាងណាមិញ បើក្រឡេកមកតារាកម្ពុជាយើង សម្គាល់ឃើញថា តារាជួរមុខមួយចំនួន ក៏បានកំពុងប្រើប្រាស់ជីវិតឡូយឆាយ ជះលុយក្រាស់ក្រែលបែបជីវិតមហាសេដ្ឋីផងដែរ។ ចំណោមនោះ យើងសូមលើកពីតារាស្រីប្រុសកម្ពុជា ៥ រូប ដូចខាងក្រោម៖

១.​ តារាសម្តែង មាន សូនីតា

ជាមួយរូបសម្រស់ និង ភាពល្បីល្បាញមិនចេះរីងស្ងួត ជារឿយៗនាងតែងបង្ហោះវីដេអូ បង្ហាញពីការដើរកម្សាន្តបែបជីវិតស៊ីវិល័យនៅឯបរទេស។ នាងដើរកម្សាន្តកន្លែងល្បីៗ ស្នាក់នៅកន្លែងប្រណីត ហើយនាងក៏និយមហ្វេហ្សិនសម្លៀកបំពាក់ និង គ្រឿងលម្អកាយ ដូចជាកាបូប និង ស្បែកជើងសុទ្ធតែយីហោប្រណីតផងដែរ។

២. តារាសម្តែង និង ពិធីការិនី គង់ ចាន់ស្រីមុំ

អ្នកម្តាយរូបស្រស់ សម្រស់សាច់ចាំរូបនេះ រមែងត្រូវបានមហាជនតាមដានជាមួយការ unboxing របស់ប្រ៊េនថ្លៃៗ តម្លៃខ្ទង់ពាន់ ខ្ទង់ម៉ឺនដុល្លារ។ នាងធ្លាប់បង្ហាញភាពហ៊ឺហាជាមួយការទិញរថយន្តទំនើប មធ្យោបាយហោះហើរលំដាប់ជួរមុខ រួមជាមួយការលេងខ្លួនឡូយឆាយលំដាប់ខ្ពស់ និង ការដើរកម្សាន្តទទួលបទពិសោធលំដាប់ផ្តាច់មុខនៅក្រៅប្រទេសផងដែរ។

៣. តារាចម្រៀងរ៉េប G-Devith និង ទេព បូព្រឹក្ស

ជាតារាចម្រៀងល្បីជួរមុខនៅកម្ពុជា អ្នកទាំងពីរតែងនាំមកនូវអ្វីដែលថ្មី និង ប្លែកជានិច្ច។ លើសពីនេះ អ្នកទាំងពីរមានរបៀបរស់នៅលំដាប់ខ្ពស់ ដោយធ្លាប់ឃើញហោះហើរទៅ​ទិញសម្លៀកបំពាក់យីហោល្បីៗនៅបរទេស។ ចំណាយរាប់ម៉ឺនដុល្លារទៅលើការទិញរថយន្ត នាឡិកា និង ការដើរកម្សាន្តជាដើម។ សូម្បីតែថ្ងៃអាពាហ៍ពិពាហ៍របស់អ្នកទាំងពីរ ក៏បានចំណាយលុយរាប់ម៉ឺនដុល្លាររៀបចំផងដែរ។

៤. តារាចម្រៀងរ៉េប វណ្ណដា

ថ្មីៗនេះ វណ្ណដា បានបង្ហាញសមិទ្ធផលជាមួយរថយន្ត Lamborghini ដ៏ទំនើប និង តម្លៃកប់ក្តោង ធ្វើឱ្យមហាជនផ្ទុះការភ្ញាក់ផ្អើលជាខ្លាំង។ តាមដំណឹងរហៀងៗកន្លងមក លោកមានលើសពីនេះទៅទៀត ដូចជា ផ្ទះ Penthouse តម្លៃខ្ទង់លានដុល្លារ ឡានទំនើប និង សម្លៀកបំពាក់យីហោល្បីៗជាដើម គ្រាន់តែលោកមិនសូវបង្ហាញផ្លូវការដូចអ្នកដទៃ៕