ថ្មីៗនេះ ក្រោយពីមានរឿងចម្រូងចម្រាសបញ្ហាព្រំដែនរវាងប្រទេសកម្ពុជា និង ប្រទេសថៃ នោះ ក៏មានមហាជនអ្នកលេងបណ្តាញសង្គមហ្វេសប៊ុកជាច្រើន បានបង្ហោះសារបែបលេងសើចផង មែនផងប្រាប់ទៅតារាប្រុសស្រី ដែលមានឈ្មោះ «ថៃ» ឱ្យប្តូរឈ្មោះចេញ។
ក្នុងនោះដែរ ស្រាប់តែនៅថ្ងៃទី ១៩ ខែមិថុនា ឆ្នាំ ២០២៥ នេះ ម្ចាស់ពាន The Voice Kids Cambodia រដូវកាលទី ១ ពេជ្រ ថៃ បានចេញមកបង្ហោះសារ និង បានប្តូរឈ្មោះរបស់ខ្លួនលើ fb ពី ពេជ្រ ថៃ ទៅ ពេជ្រ ខ្មែរ វិញ។
ដោយឡែក នៅយប់ថ្ងៃដដែល មហាជនក៏បានឃើញម្ចាស់ពាន The Voice Cambodia រដូវកាលទី ២ លោក ធែល ថៃ ក៏បានប្តូរឈ្មោះលើគណនីហ្វេសប៊ុកដូចគ្នាដែរ ដោយលោក ប្តូរពី «ធែល ថៃ» ទៅជា «ធែល ខ្មែរ» វិញ៕
