ស្របពេលមើលឃើញពីភាពលំបាកនៃប្រជាកសិករ កំពុងប្រមូលផលស្រូវ និង លក់ចេញមានតម្លៃទាប នៅថ្ងៃទី ១៥ ខែមករា ឆ្នាំ ២០២៥ នេះ ក៏បានឃើញកំពូលតារាចម្រៀង ៣ រូប បានប្រកាសជួយទិញស្រូវពីកសិករខ្មែរ ដើម្បីចែកជូនដល់បងប្អូនដែលកំពុងខ្វះខាត ដើម្បីជាការចូលរួមចំណែកជួយដល់ប្រជាកសិករផង និង បងប្អូនដែលមានជីវិភាពខ្វះខាតផង។
ចំពោះការបង្ហោះរបស់កំពូលតារាចម្រៀងទាំង ៣ រូបនេះដែរ មហាជនអ្នកលេងបណ្ដាញសង្គមជាច្រើនកំពុងផ្ទុះការចែករំលែក និង ភ្ជាប់ជាមួយមតិសរសើរពីទឹកចិត្តដ៏ល្អប្រពៃរបស់អ្នកទាំង ៣ ដែលបានគិតគូរជួយដល់បងប្អូនខ្មែរក្នុងគ្រាលំបាកនេះ។
១. កំពូលតារាចម្រៀងឧកញ៉ា ខេមរៈ សិរីមន្ត
«ជួយគ្នាក្នុងគ្រាលំបាក ខ្ញុំបាទ ខេមរៈ សិរីមន្ត និង ភរិយា សូមប្រកាសទិញស្រូវ 50 តោន ដើម្បីចែកជូនដល់បងប្អូនពូមីង ដែលមានការខ្វះខាតដោយក្តីគោរព និង ស្រលាញ់»។
២. កំពូលតារាចម្រៀងឧកញ៉ា ព្រាប សុវត្ថិ
«ខ្ញុំបាទ ព្រាប សុវត្ថិ និង ភរិយា សូមចូលរួមចំណែកទិញស្រូវពីអ៊ំពូមីង កសិករចំនួន ៥០ តោន ដេីម្បីផ្ដល់ជូនអ៊ំពូមីងបងប្អូន ដែលកំពុងខ្វះខាត។ ចូលរួមជួយបន្ដដេីម្បីផ្ដល់ស្នាមញញឹមប្រជាជនខ្មែរទាំងអស់គ្នា»។
៣. កំពូលតារាចម្រៀងលោក ខាត់ ជេមស៌
«ខ្ញុំបាទ ខាន់ ជេមស៍ សុំជួយទិញស្រូវពីបងប្អូនកសិករចំនួន ២០ តោន យុទ្ធសាស្ត្រនេះល្អ បើសិនជាយើងគ្រប់គ្នាជួយគ្នាបន្តិចម្នាក់យើងនឹងធូរស្រាលទាំងអស់គ្នា»៕
