បើគិតមកដល់ពេលនេះ រយៈពេលប្រមាណ ១០ ឆ្នាំ មកហើយ ដែលតារាចម្រៀងខ្មែរសុរិន្ទ អ្នកនាង ចេន សាយចៃ ក្លាយទៅជាតារាចម្រៀងជ្រកក្រោមទ្រនំផលិតកម្មថោន បើគិតចាប់តាំងពីឆ្នាំ ២០១៥ មក។
ក្នុងនោះ រយៈពេល ១ ទសវត្សរ៍ ក្នុងផលិតកម្មថោន តារាចម្រៀងខ្មែរសុរិន្ទ អ្នកនាង សេន ចាយចៃ បានបញ្ចេញបទចម្រៀងជាច្រើនបទ សុទ្ធតែល្បីៗ មានទាំងមនោសញ្ចេតនា ជាពិសេសនោះ គឺបទចម្រៀងបែបកន្ទ្រឹម ប្រពៃណីជាដើម។
ជាការពិតណាស់ បើទោះជាមិនបានរស់នៅក្នុងប្រទេសកម្ពុជាជាប់លាប់ ក៏ព្រោះអ្នកនាង សេន សាយចៃ ចំណាយពេលរស់នៅប្រទេសថៃ និង ខេត្តសុរិន្ទច្រើនក្តី តែតារាចម្រៀងខ្មែរសុរិន្ទល្បីឈ្មោះរូបនេះ មិនដែលភ្លេចឡើយនូវការផលិតបទចម្រៀងកំដរអារម្មណ៍ជូនអ្នកគាំទ្រកម្ពុជា។
ជាក់ស្តែង នៅក្នុងឱកាសចូលឆ្នាំប្រពៃណីខ្មែរខាងមុខនេះ អ្នកនាង ចេន សាយចៃ ក៏មានបទចម្រៀងប្រពៃណជូនដល់អ្នកគាំទ្រ និង បានអញ្ចើញមកថត MV នៅក្នុងប្រទេសកម្ពុជារួចរាល់ហើយដែរ៕
